«۲۱-جی عصرده تورکیه‌نین کولتور سفربرلیگی» سمپوزیومو
جمهور باشقانلیغی ارتیباط اداره‌سی باشقانی فخرالدین آلتون بیلدیریب کی، تورکیه ۲۲ ایلده اؤز آدیندان سیاست و استراتئژیلر ایستئحصال ائتمه‌یه باشلاییب
جمهور باشقانلیغی ارتیباط اداره‌سی باشقانی فخرالدین آلتون بیلدیریب کی، تورکیه ۲۲ ایلده اؤز آدیندان سیاست و استراتئژیلر ایستئحصال ائتمه‌یه باشلاییب.
فخرالدین آلتون ایستانبول‌دا گئچیریلن «قاچیش یوخ» سرگیسینین آچیلیشیندا و «۲۱-جی عصرده تورکیه‌نین کولتور سفربرلیگی» سمپوزیوموندا و کیتابینین تانیتیم مراسیمینده ایشتیراک ائدیب.
تورکیه‌نین سون ۲۲ ایلده بؤیوک چتینلیکلرین عؤهده‌سیندن گلدیغینی و بؤیوک ایرلیلَییشلر الده ائتدیگینی وورغولایان آلتون، تئرور تشکیلاتلاری و اونلاری قورویان بین‌الخلق گوجلرله حئسابلاشدیغینی، تورکیه‌نین اؤز آدینا سیاست و استراتئژیلر ایستئحصال ائتمه‌یه باشلادیغینی بیلدیریب.
آلتون تورکیه‌نین بو پروسه‌سده آزاد اولدوغونو و داها دا چیچکلندیغینی بیلدیریب.
تورکیه‌ده یاشانان کولتورل شعورون تکجه ایسلام دونیاسی اوچون دئییل، بوتون غیر-باتی جمعیتلری اوچون ده ایلهام قایناغی اولدوغونو وورغولایان آلتون، تورکیه‌نین اجتماعی و کولتور دیپلماسیسی فعالیتلرینین ده بو پروسه‌سه اؤنملی تاثیرینه دقت چکیب.
کولتور دیپلماسیسی‌نین اؤنمینه توخونان آلتون، تورک امکداشلیق و هماهنگلیق آژانسینین (تیکا)، یونوس امره اینستیتوسونون، خاریجده‌کی تورکلر و قوهوم توپلولوقلار باشچیلیغینین، تورکیه رادیو و تلئویزیون قورومونون (ترت) و آنادولو آژانسینین کولتورل سفربرلیه اؤنملی تاسیری اولوب دئدی.
آلتون، جمهور باشقانلیغی ارتیباط اداره‌سی طرفیندن تشکیل ائدیلن «قاچیش یوخ» آدلی سرگینی، آلتون، مدنیت و توریزم ناظیری محمد نوری ارسوی و ایستانبول والیسی داوود گول ایله آچیب.
آچیلیشدان سونرا سرگینی زیارت ائدن آلتون اثرلر حاقیندا بیلگی آلیب.
سرگیده آمریکادان قایتاریلان کیبله هئیکلی، قیرمیزی مونجوقلو قیزیل بویونباغی، دیمدیک آغیزلی کوپه و اینگیلیستان‌دان قایتاریلان قورآن کریم کیمی اثرلر سرگیلنیر.
