کاجیر: "پولاد گونبزی تئز بیر زاماندا تاماملایاجاغیق"

صنایع و تئکولوژی ناظیری محمد فاتیح کاجیر، پولاد گونبز هاوا هوجوموندان مودافیعه سیستئمینین اینکیشافینی تئز بیر زاماندا تاماملایاجاقلارینی ایفاده ائده‌رک، "اوزون منزیللی راکئت اینکیشاف ایمکانلاریمیزی داها یوکسک سویه‌لره قالدیراجاغیق" دئدی.

کاجیر تورکیه بؤیوک میللت مجلیسینین پلان و بودجه کمسیونوندا ناظیرلیگین و باغلی قوروملارین ۲۰۲۵-جی ایل بودجه‌لری ایله باغلی تقدیمات ائدیب.

بین‌الخلق اقتیصادیاتین بؤلگه‌سل قارشی‌دورمالارین و دونیا تیجارتده قوروماجیلیق تدبیرلرین تأثیری آلتیندا اولدوغونو بیلدیرن کاجیر، تورکیه‌نین دؤوری چتینلیکلره باخمایاراق، ۱۶ ربعدور بؤیومه‌یه داوام ائتدیگینی بیلدیریب.

کاجیر، صنایع ایستئحصالی ایندئکسینین پاندئمیدن اولکی دؤوره گؤره آلمان‌دا یوزده ۱۰،۳، ایتالیادا یوزده ۶،۱، فرانسه‌ده یوزده ۳، اسپانیادا ایسه یوزده ۱،۴ ‌یکن، تورکیه‌ده یوزده ۱۹،۷ آرتدیغینی قید ائتدی.

صادراتین مودافیعه و هاواچیلیق صنایعده یوزده ۱۷،۸، پولاددا یوزده ۸،۸، اتوموبیل صنایعسینده یوزده ۶،۴، شیمی محصوللاریندا یوزده ۲،۵ آرتدیغینی وورغولایان کاجیر، بو اوغورون سون ۲۲ ایلده الده ائتدیکلری قازانجلارین نتیجه‌سی اولدوغونو بیلدیریب.