خاریجی ایشلر ناظیری حاکان فیدان آتن‌ه گئدیر
حاکان فیدان، یونان قونومداشی یورگوس گراپرتریتیس ایله گؤروشمک اوچون جمعه گونو یونانیستانین پایتاختی آتن‌ه گئدیر
خاریجی ایشلر ناظیری حاکان فیدان، یونان قونومداشی یورگوس گراپرتریتیس ایله گؤروشمک اوچون جمعه گونو یونانیستانین پایتاختی آتن‌ه گئدیر.
گؤروشمه‌ده، ۲۰۲۵ باشلاریندا پایتاخت آنکارادا ائدیلمه‌سی نظرده توتولان یوکسک سویه‌لی امکداشلیق شوراسی ۶.جی ییغینجاغینین حاضرلیقلاری نظردن کئچیریله‌جک.
گؤروشمه‌لر نتیجه‌سینده، "سیاسی دیالوگ" و "مثبت گوندم اورتاق حرکت پلانی" ییغین‌اقلارینین تاریخلرینین ده تعیین اولونماسی گؤزلنیلیر.
ناظیر فیدان و یونان قونومداشی ان سون ۵ سپتامبردا پایتاخت آنکارادا بیر آرایا گلمیشدی.
دیپلوماتیک قایناقلار، تورکیه‌نین، اژه دنیزینده‌کی پروبلئملرین بیر بیری ایله علاقه‌لی اولدوغو و بیر بوتون حالیندا اله آلینماسی لازیم اولدوغو ایستیقامتینده‌کی توتومونون سوردوگونه دقت چکدی.
تورکیه-یونانیستان علاقه‌لرینده‌کی مؤوجود مثبت حرکتین غربی تراکیا تورک آزلیغینین و سئلانیک، رودوس و ایستانکؤی‌ده‌کی تورک سویداشلارین وضعیتینه ده عکس اولونماسی ایله تورک آزلیغا و سویداشلارا ایستیقامتلی حاق پوزونتولارینین سونا چاتماسی ایستیقامتینده‌کی تورک طرفینین گؤزله‌مه‌سی ده یونان طرفینه چاتدیریلماغا داوام ائدیلیر.
