آنتالیایا گلن توریستلرین ساییسی ۱۶ میلیونو کئچیب
بو ایلین ایلک ۱۰ آیین‌دا آنتالیایا گلن توریستلرین ساییسی کئچن ایلین عینی دؤورو ایله موقاییسه‌ده یوزده ۸ آرتاراق ۱۶ میلیون ۱۳۱ مین ۸۴۷ نفره چاتیب.
بو ایلین ایلک ۱۰ آیین‌دا آنتالیایا گلن توریستلرین ساییسی کئچن ایلین عینی دؤورو ایله موقاییسه‌ده یوزده ۸ آرتاراق ۱۶ میلیون ۱۳۱ مین ۸۴۷ نفره چاتیب.
ان چوخ توریست گؤندر‌ن اؤلکه‌لر روسیا، آلمانیا و اینگیلتره اولوب.
ایل مدنیت و توریزم مودیرلیگینین معلوماتلارینا گؤره، یانوارین ۱-دن اوکتیابرین ۳۱-ی آراسیندا دونیانین اهمیت‌لی توریزم مرکزلرین‌دن بیری اولان آنتالیایا گلن توریستلرین ساییسین‌دا ایلین عینی دؤورو ایله موقاییسه‌ده ۸ فایز آرتیش قئیده آلینیب.
بو ایل شهرده استراحت ائد‌ن توریستلرین ساییسی ۱۶ میلیون ۱۳۱ مین ۸۴۷ اولوب. آنتالیایا ان چوخ توریست گؤندر‌ن اؤلکه‌لر لیسته‌سینده روسیا ۳ میلیون ۷۶۴ مین ۶۹۳ زیارت‌چی ایله بیرینجی، آلمانیا ۳ میلیون ۲۹۸ مین ۱۵۴ توریستله ایکینجی، اینگیلتره ایسه ۱ میلیون ۴۸۷ مین ۴۲۹ زیارت‌چی ایله اوچونجو اولوب.
اینگیلتره‌نی لهستان، هولند، قزاقیستان، رومانی، اوکراینا، چئکیا و لیتوانی ایزله‌ییب.
۱-۳۱ اوکتیابر تاریخلری آراسیندا آنتالیایا گلن توریستلرین ساییسی کئچن ایلین عینی دؤورو ایله موقاییسه‌ده یوزده ۹ آرتاراق ۲ میلیون ۶۰ مین ۴۳۳ نفره چاتیب.
بو آی شهره ان چوخ زیارت‌چی ۵۹۳ مین ۵۱ زیارت‌چی ایله آلمانیادان، روسیا ۵۱۹ مین ۶۷ زیارت‌چی ایله ایکینجی، اینگیلتره ایسه ۱۸۹ مین ۱۱۶ زیارت‌چی ایله اوچونجو اولوب.
اینگیلتره‌نی لهستان، هولند، لیتوانی، اوکراینا، سوئیس، بئلاروس و دانمارک ایزله‌ییب.
ایلگیلی‌لی خبرلر
تورکیه و آذربایجان جمهوریتی پرزیدنت‌لری آراسیندا تلفون دانیشیغی کئچیریلیب
جمهور باشقانی رجب طیب اردوغان آذربایجان پرزیدنتی ایلهام علی یئو ایله تلفونلا دانیشیب.
