تورکیه‌ سیویل تشکیلاتلاری لبنانا یاردیم وسائلی گؤندریب

ایسرائیلین سالدیریلارینی داوام ائتدیردیگی لبنانا تورکیه‌ سیویل تشکیلاتلاری تخمیناً 1000 تون یاردیم وسائلی گؤندریب.

اینسان حاقلاری و آزادلیقلاری اینسانی یاردیم فون‌دو، فتحیه وقفی، صدقه‌داشی درنگی، دارالایتام فون‌دو، یئتیملر فون‌دو، آید بین الخالق حکیملر درنگی، یئرین اوشاقلاری درنگی، یالنیز اینسان بین الخالق یاردیم درنگی و اوموت اول اینسانی یاردیم درنگینین تشببوسو ایله باش توتوب. "حاضیردا لبنان اوچون" شوعاری ایله یاردیم سفربرلیگی چرچیوه‌سین‌ده حاضیرلانان یاردیم گمی‌سی بئیروت لیمانینا گلدی.

لیمانا گئدن گمینی عدالت و اینکیشاف پارتیسینین (آک پارتی) میللت وکیلی حسن توران، لبنان-تورکیه پارلامئنتلر آراسی دوستلوق قروپونون صدری حسن موراد، تورکیه‌نین بئیروت‌داکی سفیری علی باریش اولوسوی و لبنان یوکسک یاردیم کومیسیونونون باش کاتیبی محمد خئیر قارشیلاییبلار.

سفیر اولوسوی بورادا ائتدیگی چیخیشین‌دا دئییب: "بو گون بیر داها گؤستریریک کی، بیز ایسرائیلین تجاووزونون هدفی اولان و گئتدیکجه داها جیدی اینسانی بحران یاشایان دوستوموز و قارداشیمیز لبنانی تکجه دؤولت قوروملاریمیزلا دئییل، سیویل تشکیلاتلاریمیزلا دا تک قویموروق." دئدی.

اولوسوی خاطیرلادیب کی، اونلار سپتامبرین 25-ده لبنان 30 تون طیبی لوازیم، درمان و ارزاق یاردیمی، اوکتیابرین 9-دا ایسه لبنان 300 تونا یاخین موختلیف اینسانی یاردیم وسائل‌لری گؤندریبلر.

آک پارتی میللت وکیلی توران، "ایسرائیلین باش ناظیر بنیامین نئتانیاهو سویقیریم تؤرتدیگی بیر واخت‌دا گلوبال گوجلر شرقی آغدنیزینه نیظامی گمیلر و اوچاق گمیلری گؤندره‌رک بؤلگه‌سل و حتی دونیا ساواشینین زنگلرینی چالیر" دئدی.

توران بیان ائدیب کی، تورکیه اولاراق نئتانیاهو بانداسینا و اونلارین طرفدارلارینا صهیونیست رئژیمین سالدیریلارینا سون قویماق اوچون "بو قتل عام و ایشغالی دایاندیرین، همن آتیشکس ائدین" چاغیریشی ائدیب.

لبنان یوکسک یاردیم کومیسسیونوننون باش کاتیبی خئیر قیسا چیخیش ائد‌رک باش ناظیر نئجیب میقاتی حکومتی آدین‌دان تورکیه‌یه یاردیما گؤره تشککور ائدیب.