ارسوی: ایندی توریزمده سوپر لیگ‌دئییک
مدنیت و توریزم ناظیری محمت نوری ارسوی، "بیز ایندی توریزمده سوپر لیگ‌دئییک" دئدی.
تورکیه مدنیت و توریزم ناظیری محمت نوری ارسوی، "بیز ایندی توریزمده سوپر لیگ‌دئییک" دئدی.
اؤزل تلویزیون کانالینین جان‌لی یاییمین‌دا چیخیش ائد‌ن ارسوی تورکیه‌نین دونیانین هر یئرین‌دن زیارت‌چی قبول ائتدیگینی بیلدیریب.
ناظیر ارسوی، توریزم سئکتورون‌دا ان اهمیت‌لی ائلئمئنتین آدامباشینا دوشن گئجه خرجلری اولدوغونو وورغولایاراق، ایلین سونونا قدر 60 میلیارد دولارلیق توریزم گلیری هدفینه چاتاجاقلارینی ایفاده ائتدی.
ارسوی، اؤتن ایل آمریکادان تورکیه‌یه 1 میلیون‌دان چوخ توریست گلدیغینی بیلدیره رک، "بو ایل 1.5 میلیونو کئچجیگیمیزی اومید ائدیریک. تورک هاوا یوللاری ایله بیرلیک‌ده جیدی تانیتیم پلانلاری ائدیریک. 4 ایلدیر کی، سی‌ان‌ان اینتئرناسیونال ایله یاخیندان ایشبیرلیگیمیز وار. ایندی چین بازارین‌دا دا سرعتله اینکیشاف ائدیریک. عینی شئی جنوبی کوره‌ده ده وار. کئچن ایل 280 مین توریست گلدی" دئدی.
تورکیه توریزم تبلیغات و اینکیشاف آژانسینین آلت یاپیسیندان و فعالیتین‌دن دانیشان ارسوی، تورکیه‌نین بو ایل 38 اؤلکه‌ده میللی تلویزیوندا تانیتیم ائدیلدیگینی، 39 اؤلکه‌دن تور اوپراتور و هاوا یولو شیرکتلری ایله 179 کامپانیا حیاتا کئچیردیکلرینی، 30 اؤلکه‌ده 15 دیجیتال سیاحت کانالی ایله ده امکداش‌لیق ائتدیکلرینی ایضاح ائتدی.
20 دئستیناسیون، مؤوضوع و محصول مارکاسینی تانیتدیقلارینی ایفاده ائد‌ن ارسوی، بونلاری سؤیله‌دی:
"تورکیه کولتور وارلیقلاری باخیمین‌دان اونسوز دا راکیپ‌سیز بیر اؤلکه‌دیر. توریزم مؤوسومونو 12 آیا قدر اوزاتماق بیزیم اوستونلویوموز وار" دئدی.
گلن ایل هدفلرینین 64 میلیارد دولار اولدوغونا دیقت چکن محمت نوری ارسوی:
"بون‌دان سونرا رقمی هر ایل آرتیراجاغیق. ایندی سوپرلیگ‌دییک. کئچن ایل دونیادا بئشینجی ایدیک، بو ایل یقین کی، دؤردونجو یئری توتاجاغیق. مقصدیمیز ایلک 3-لوک‌ده اولماق‌دیر" دئدی.
