توگ ۴۰ مینه یاخین نفره ساتیلدی

تورکیه‌نین یئرلی و میللی ماشینی توگ، ۴۰ مینه یاخین T10X-ی صاحیبلرینه تسلیم ائتدی.

طرحی و تئکنولوژیسی ایله دقت چکن توگ-آ بؤیوک طلب وار.

تولیدی فاصیله‌سیز داوام ائدن توگلارین یوللارداکی سایی آرتمایا داوام ائدیر.

تورکیه‌نین ماشینینین X حئسابینداکی پایلاشیمدا توگ، "دایم یئنیله‌نن و یئنی قالان T10X-ه گؤستردیگینیز ماراغا گؤره تشکور ائدیریک. ایلین ایلک ۱۰ آییندا ۲۰ مینی گئچدیک. بیز بونونلا فخر ائدیریک. یولا چیخدیغیمیزدان بری ایستیفاده‌چیلریمیزه تخمینا ۴۰ مین T10X تقدیم ائتدیک" یازیلیب. 

۲۰۲۳-جو ایلین مارس آییندا تولیدی باشلانان توگ، عینی ایلین می آییندا آلانلارا تحویل وئریلدی. بو مدت عرضینده ۴۰ مینه یاخین T10X صاحیبلرینه تحویل وئریلیب.

یئنی رنگ سئچیمی علاوه ائدیلدی. توگ-ون ۷-جی رنگی "آیدئر یاشیلی" ایلک گوندن بؤیوک ماراغا سبب اولوب.

او بیری طرفدن، T10X مدلی اؤزونو یئنیله‌مه‌یه داوام ائدیر.

یئنیلنمیش پروقرام تأمیناتی ایله ایستیفاده‌چیلر راحتلیق و تهلوکه‌سیزلیگی داها دا آرتیراجاق ۷ یئنی فونکسیونا صاحیب اولاجاقلار.

توگ، ایلین ۹ آیلیق دؤورونده ۱۷ مین ۴۹ ساتیش و یوزده ۲۹ بازار پایی ایله تورکیه الئکتریکلی ماشین بازاریندا بیرینجی اولوب.