امینه اردوغان، تورکیه و سنگال‌ین اورتاق گلجه‌یه دوغرو آددیم آتاجاغینا اومید ائتدیگینی بیلدیریب
بیرینجی خانیم اردوغان سوسیال مئدیا حئسابیندا سنگال پرئزیدئنتی فایه و خانیمی تورکیه‌یه رسمی سفریندن گؤرونتولرین یئر آلدیغی ویدئونو پایلاشیب
پرئزیدئنت رجب طیب اردوغان‌ین حیات یولداشی امینه اردوغان، سنگال پرئزیدئنتی باسیرو دیومایه دیاکار فایه و خانیمی ماری خون‌ون تورکیه‌یه رسمی سفرینین ایکی اؤلکه آراسیندا علاقه‌لری گوجلندیرجه‌گینه و اورتاق گلجه‌یه دوغرو آددیم آتاجاغینا اومید ائتدیگینی بیلدیریب.
بیرینجی خانیم اردوغان سوسیال مئدیا حئسابیندا سنگال پرئزیدئنتی فایه و خانیمی تورکیه‌یه رسمی سفریندن گؤرونتولرین یئر آلدیغی ویدئونو پایلاشیب.
ویدئودا بیرینجی خانیم اردوغان‌ین سنگال پرئزیدئنتینین حیات یولداشی ماری خون فایه ایله آفریقا مدنیت ائوی و پرئزیدئنت میللی کیتاب‌خاناسینی گؤروشوندن و نصرالدین خوجا اوشاق کیتاب‌خاناسیندا سئمینار گئچیرن اوشاقلارلا صؤحبتیندن آنلار یئر آلیب.
امینه اردوغان ویدئو ایله باغلی پایلاشیمیندا ”اومید ائدیرم کی، سنگال پرئزیدئنتی و اونون حؤرمتلی خانیمینین رسمی سفری ایکی اؤلکه‌نین علاقه‌لرینی گوجلندیره‌جک و اونلاری اورتاق گلجه‌یه آددیملاماغا آپاراجاق" دئدی.
