توصاش ترور هوجومونا تورک مقاملاریندان تپکیلر
"تورکیه‌نین اؤنونو تیخاماق اوچون اویون قورانلارین کیملر اولدوغونو بیلیریک"
پایتاخت آنکارانین کاهرامان‌کازان ائلچه‌سینده‌کی تورک هاواچیلیق و اوزای صنایعی آنونیم شیرکتینین (توصاش) تاسیسینه دونن تشکیل ائدیله‌ن ترور هوجوموندا ۵ نفر شهید اولدو.
ایچ ایشلری ناظیری علی یئرلیکایا، وئردیگی شرحده، ترور هوجوموندا ۵ شهید و ۲۲ یارالی اولدوغونو ایفاده ائتدی.
ایکی تروریستین ده ضررسیز حالا گتیریلدیگینی بیلدیره‌ن یئرلیکایا، تروریستلرین کیملیک تعیینی ایشلرینین داوام ائتدیگینی ایفاده ائد‌رک،
"تروریستلرین نفسلرینی کسمکده قرارلیییق" دئدی.
تورکیه بؤیوک میللت مجلیسی باشقانی نعمان کورتولموش، خائن ترور هوجوموندا یارالانانلاری خسته خانادا ملاقات ائتدی.
کورتولموش، بورادا وئردیگی شرحده،
"تورکیه‌نین اؤنونو تیخاماق اوچون اویون قورانلارین کیملر اولدوغونو بیلیریک" دئیه دانیشدی.
جمهورباشقانی کؤمکچیسی جؤودت ییلماز دا ترور هوجومونون مدافعه صنایعینده‌کی موفقیتلری هدف آلدیغینی ایفاده ائد‌رک،
"تروریستلر و تروریستلرین آرخاسیندا اولانلار، هئچ بیر زامان مقصدلرینه چاتا بیلمه‌یه‌جک" دئدی.
میللی مدافعه ناظیری یاشار گولر ایسه، منفور ترور هوجومونا سرت تپکی وئردی.
گولر،
"ان سون تروریست اورتادان قالدیری‌لانا قدر بونلارین آرخاسینی بوراخمایاجاغیق. بو ائدیله‌نلرین آجیلارینی آرتیغییلا چیخاراجاغیق. بونو هر کس گؤره‌جک هئچ ناراحات اولمایین" دئدی.
جمهورباشقانلیغی ایله‌تیشیم باشقانی فخرالدین آلتون دا،
"اؤلکه‌میزه قارشی ترور تهدیدی سونا چاتانا قدر، سرحدلریمیز ایچینده و خاریجینده موباریزه‌میز کسینتیسیز داوام ائد‌جک" ایفاده‌لریندن ایستیفاده ائتدی.
