توصاش ندن هدف آلیندی؟

۱۹۷۳ده قورولان توصاش، تورکیه‌نین احتیاج دویدوغو هاوا واسطه‌لرینین دیزاین، استحصال و مودرنیزاسیونونون یانیندا صادرات فعالیتلری ایجرا ائدیر

2202284
توصاش ندن هدف آلیندی؟

 

پایتخت آنکارانین قاهرامان قازان ائلچه‌سینده‌کی یئرلشکه‌سی ترور هوجومونون هدفی اولان تورک مدافعه و هاواچیلیق صنایعینین لیدئر شیرکتلریندن تورک هاواچیلیق و اوزای صنایعی (توصاش)، باشدا تورکیه‌نی ۵.جی نسیل طیاره چیخارا بیله‌ن آز ساییدا اؤلکه آراسینا یئرلشدیره‌جک میللی موحاریب طیاره کاان اولماق اوزره بیر چوخ اهمیتلی پروژه ایجرا ائدیر.

۱۹۷۳ده قورولان توصاش، تورکیه‌نین احتیاج دویدوغو هاوا واسطه‌لرینین دیزاین، استحصال و مودرنیزاسیونونون یانیندا صادرات فعالیتلری ایجرا ائدیر.

شیرکت بو گونه قدر حیاتا گئچیردیی اهمیتلی پروژه‌لرله تورک مدافعه صنایعینین گوجله‌نمه‌سینه بؤیوک قاتقی تامین ائتدی. شیرکتین ایش بیرلیگی ایله چیخاریلان ت۱۲۹ آتاک هوجوم و تاکتیک کشف هلیکوپتری، ت۷۰ عمومی مقصد هلیکوپتری، آنکا و آک‌سونگور اینسانسیز هاوا واسطه‌لری کیمی هاوا پلتفورملاری تهلوکه‌سیزلیک گوجلرینه خیدمت ائدیر.

حورکوش تمل تعلیم طیاره‌سی، حورژئت تعلیم و یونگول هوجوم طیاره‌سی و گؤک‌بئی عمومی مقصد هلیکوپتری کیمی محصوللار خدمته گیرمک اوچون گؤزله‌ییر، اینسانسیز ساواش طیاره‌سی آنکا IIIون تستلری ده سیخ شکیلده داوام ائدیر.

 

توصاش کاآن‌ین دا معماریدیر

شیرکتین ان اهمیتلی پروژه‌لریندن اولان و استحصال مدتی داوام ائد‌ن میللی موحاریب طیاره کاآن، اؤلکه‌نین هاواچیلیق تاریخی باخیمیندان اهمیتلی بیر دؤنوش نقطه‌سینی میدانا گتیریر.

کاان پروژه‌سی سایه‌سینده تورکیه، ساواش طیاره‌سی دیزاینی و استحصالی مؤوضوعوندا دونیانین ساییلی اؤلکه‌لری آراسینا گیرمه یولوندا اهمیتلی بیر آددیم آتیر. کاان، تورکیه‌نی، دونیادا ۵.جی نسیل طیاره چیخارا بیله‌ن آز اساییداکی اؤلکه آراسینا آپاراجاق.

پروژه، تورکیه‌نین مدافعه صنایعینده‌کی موستقیللیگینی گوجله‌ندیره‌رک، خاریجه آسیلیلیغینی آزالداجاق. کاانین ۲۰۲۸-جی ایلده تورک هاوا قوه‌لری خدمتینه گیرمه‌سی هدفله‌نیر.

توصاش، دونیا سویه‌سینده ده دقت چکه‌ن موفقیتلره ایمضا آتیر.

شیرکت، سون اولاراق آذربایجان‌ین دونانماسیندا اولان سو-۲۵ طیاره‌لرینین مودرنیزاسیونونو ائد‌رک بو اؤلکه‌یه تحویل وئردی.



ایلگیلی‌لی خبرلر