اردوغان تاتاریستان‌دا پوتین ایله گؤروشدو

جمهورباشقانی رجب طیب اردوغان، بریکس ذیروه‌سینده‌کی گؤروشمه‌لری داخیلینده، روسیا دؤولت باشقانی ولادیمیر پوتین ایله گؤروشدو.

بریکس ذیروه‌سینین تشکیل ائدیلدیگی تاتاریستان‌ین پایتختی قازان‌دا اولان قازان اکسپوده‌کی گؤروشمه تخمیناً ۱ ساعات داوام ائتدی.

جمهورباشقانی اردوغان، گؤروشمه‌نین مطبوعاتا آچیق قیسیمینده، بریکس ذیروه‌سی گئنیشلدیلمیش لیدئرلر ایجلاسینا دعوتی و ائو صاحبلیگی اوچون ولادیمیر پوتینه تشکر ائتدی، اونونلا ایله یئنیدن بیر آرایا گلمکدن دویدوغو ممنونیتی دیله گتیردی.

روس خاریجی ایشلر ناظیری سرگئی لاوروف‌ون ۳+۳ منطقه امکداشلیق پلتفورمو وسیله‌سی ایله جمعه گونو ایستانبولدا اولدوغونو خاطیرلادان اردوغان، "آرتیق سیز قیمتلی دوستومو دا ان قیسا زاماندا تورکیه‌ده گؤرمک ایسته‌ییرم" ایفاده‌لریندن ایستیفاده ائتدی.

ایکی اؤلکه آراسیندا بانک اؤد‌مه‌لرینده‌کی چتینلیکلرین حل ائدیلمه‌سینه دایر چابالارین سوردوگونو سویله‌ین اردوغان، "بو باره‌ده بیر مکانیزم تاسیس ائدیلمه‌سی مقصدی ایله خزانه و مالیه ناظیرلیکلریمیز، مرکز بانکلاریمیز تماس حالیندا. تیجارت ناظیرلیکلریمیز آراسیندا دا تشکیلات‌لار آراسی چالیشما باشلادیلدی" دئدی.

پوتین ده دانیشماسیندا روسیه-تورکیه موناسیبتلرینین موختلیف ساحه‌لرده اوزون ایللر ایله اورتاقلیق- امکداشلیق تجروبه‌سینه دایانان یاخشی قونشولوق و مثبت بیر خصوصیت داشیدیغینی ایفاده ائد‌رک،

"سیزینله ایکیلی و بین الخالق گوندمده‌کی گونجل مؤوضوعلار حاقیندا منتظم بیر دیالوگ داوام ائتدیریریک. داواملی اولاراق فایدالی اولان بو تماسلاری چوخ تقدیر ائدیره‌م" دئدی. روس لیدئر،

"ایکیلی علاقه‌لریمیزده توریزم ساحه‌سی عنعنوی اولاراق خصوصی بیر یئره مالیکدیر. ۲۰۲۳-جو ایلده ۶.۳ میلیون روس وطنداشی تورکیه‌یه سفر ائد‌رک بیر اوولکی ایله گؤره یوزده ۲۰.۷لیک رکورد بیر آرتیش قئید ائتمیشدیر. بو ایلین ژانویه-آوگوست دؤورونده ایسه یوزده ۴.۶لیق بیر آرتیشلا ۴.۵ میلیوندان چوخ اینسان تورکیه‌یه سفر ائتمیشدیر. بو گؤستریجیلره گؤره روسیا، تورکیه‌ده (توریست ساییسی باخیمیندان) بیرینجی سیرادا ایشتیراک ائدیر" شکلینده دانیشدی.