میت، سوریه و عراق‌ین قوزئی‌ینده بؤلوجو تئرور تشکیلاتی پ‌کاکا، ی‌پ‌گ‌نین هدفلرینی محو ائدیب

میت، قهرمان‌قازان بؤلگه‌سیندکی تورک هاواجیلیق و اوزای صنایع آنونیم شیرکتینه (توصاش) اولان تئرور سالدیریسندان سونرا سوریه و عراق‌ین قوزئیینده بؤلوجو تئرور تشکیلاتینا قارشی عملیاتلار حیاتا گئچیریب

2202349
میت، سوریه و عراق‌ین قوزئی‌ینده بؤلوجو تئرور تشکیلاتی پ‌کاکا، ی‌پ‌گ‌نین هدفلرینی محو ائدیب

تورکیه میللی استیخبارات تشکیلاتی (میت)، سوریه و عراق‌ین قوزئی‌ینده بؤلوجو تئرور تشکیلاتی پ‌کاکا، ی‌پ‌گ-نین هدفلرینی محو ائدیب.

امنیت قایناقلاریندان آلینان معلوماتا گؤره، میت، قهرمان‌قازان بؤلگه‌سیندکی تورک هاواجیلیق و اوزای صنایع آنونیم شیرکتینه (توصاش) اولان تئرور سالدیریسندان سونرا سوریه و عراق‌ین قوزئی‌ینده بؤلوجو تئرور تشکیلاتینا قارشی عملیاتلار حیاتا گئچیریب.

عملیاتلار زامانی تشکیلاتین انئرژی- آلت‌یاپی بیناسی، لوجستیک و تجهیزات آنباری کیمی بیر چوخ استراتئژیک نؤقطه‌لر هدفه آلینیب.

میت-ین هدفه چاتانا قدر بؤلوجو تئرور تشکیلاتی پ‌کاکا، ی‌پ‌گ-یا قارشی عملیاتلارینی داوام ائتدیرجه‌گی وورغولانیب.

او بیری طرفدن میللی مودافیعه ناظیرلگی، عراق و سوریه‌نین قوزئیینده حیاتا گئچیریلن هاوا عملیاتیندا ۳۲ تئرورچو هدفین محو ائدیلدیگینی، چوخلو سایدا تئرورچونون ضررسیزلشدیریلدیگینی آچیقلاییب.

ناظیرلیکدن وئریلن آچیقلامادا، بیرلشمیش میلتلر تشکیلاتی‌نین آنلاشماسی‌نین ۵۱-جی ماده‌سیندن ایره‌لی گلن اؤزونومودافیه حقوقونا اویغون اولاراق، پ‌کاکا،کاج‌کا و دیگر تئرور عونصورلرینین ضررسیزلشدیریلمه‌ یولو ایله خالقا و تهلوکه‌سیزلیک قووه‌لرینه قارشی تئرور آکتلارینین آرادان قالدیریلماسی و سرحد تهلوکه‌سیزلیگینین تامین ائدیلمه‌سی مقصدی ایله، عراق و سوریه‌نین قوزئییندکی تئروریست هدفلرینه قارشی اکتبرون ۲۳-ده  هاوا عملیاتی گئچیریلدیگی بیلدیریلیب.

آچیقلامادا تئرورچولارا مخصوص ۳۲ هدفین باشاری ایله محو ائدیلدیگی، هاوا عملیاتلارینین قطعیتله داوام ائتدیگی قید ائدیلیب.

آچیقلامادا، حیاتا گئچیریلن عملیاتلاردا یئرلی و میللی سیلاح-تجهیزاتدان ماکسیموم ایستیفاده ائدیله‌رک بیر چوخ تئرورچونون ضررسیزلشدیریلدیگی وورغولانیب، "سویلو میلتیمیزین اوره‌گیندن چیخان تورک سیلاحلی قووه‌لری، گئچمیشده اولدوغو کیمی، بیر نفر‌ ده اولسون تئرورچو قالمایانا قدر اؤلکه‌میزین و میلتیمیزین بقا و تهلوکه‌سیزلیگی اوچون تئرورا قارشی عزم ایله موباریزه‌سینی داوام ائتدیره‌جک. بو عملیاتلار زامانی گوناهسیز سیویل‌لر، دوست عونصورلر، تاریخی-کولتورل ثروتلر و اطراف موحیط‌ین ضرر گؤرمه‌مه‌سی اوچون هر جور تدبیر آلینمیشدیر" دئییلدی. 



ایلگیلی‌لی خبرلر