جمهور باشقانی اردوغان بریکس لیدئرلر ذیروه‌سینه قاتیلاجاق

جمهور باشقانی رجب طیب اردوغان، بو گون 16-جی بریکس لیدئرلر ذیروه‌سینه قاتیلاجاق.

اردوغان تاتاریستان‌ین باشکندی کازان‌دا گئچیریله‌جک ذیروه چرچیوه‌سینده ایشتیراکچی اؤلکه‌لرین لیدئرلری ایله‌ده گؤروشلر گئچیره‌جک.

اوکتبرین 22-24-ده کئچیریله‌جکبریکس لیدئرلر ذیروه‌سینده مالیه‌، تکنولوژی و یئمک تیجارتی، ائله‌جه‌ ده بیرلیگین گئنیشلندیریلمه‌سی کیمی قونولار گوندمده اولاجاق.

تورکیه‌نین ماراغینین آرتدیغی تشکیلات 2010-جو ایلده یارادیلیب.

برزیل، روسیا، هیندیستان، چین و گونئی آفریقا طرفیندن قورولان بریکس، ایللر عرضینده گئنیشلنیب. میصر، اتیوپی، ایران، سعوی عربیستان و بیرلشمیش عرب امیرلیکلری‌ ده بیرلیگین عضولری آراسیندا ایدی.

10 عوضوو اولان بریکس اؤلکه‌لرینین اهالیسی تخمینا ۳،۵ میلیارددیر. بو، دونیا جمعیتینین یوزده ۴۵-ینه اویغوندور. 

بریکس اؤلکه‌لری دونیا اقتیصادیاتینین تخمینا یوزده ۲۵-ینی احاطه ائدیر. بریکس اؤلکه‌لری دونیا خام نفتینین یوزده ۴۴-ینی تولید ائدیر.

بو خوصوصیتلری ایله بریکس باتی دؤولتلرینین یاراتدیغی G۷-نین ژئوپولتیک رقیبی حئساب اولونور و چوخ‌قطبلو نیظاما گئچیدده اینکیشاف ائتمکده اولان اؤلکه‌لری تمثیل ائدیر.