شیمشک بو گون آمریکادا تماسلارینا باشلاییر

تورکیه خزانه و مالییه ناظیری محمت شیمشک بو گون آمریکادا تماسلارینا باشلاییر.

2201420
شیمشک بو گون آمریکادا تماسلارینا باشلاییر

 

تورکیه خزانه و مالییه ناظیری محمت شیمشک بو گون آمریکادا تماسلارینا باشلاییر.

ناظیر شیمشک آمریکا تماسلاری چرچیوه‌سین‌ده جی-20 و دونیا بانکی توپلانتیلارینا قاتیلاجاق، آرالارین‌دا آمریکا مالییه ناظیر جنت یئلن و پاکیستان مالییه ناظیری محمد آورانگزئب ده داخیل اولماقلا بیر چوخ شخصله ایکیلی گؤروشمه‌لر کئچیره‌جک.

 

خزانه و مالییه ناظیرلیگین‌دن الده ائدیلن معلوماتا گؤره، شیمشک آمریکایا سفری چرچیوه‌سین‌ده پروقرامی چرچیوه‌سین‌ده رسمی تدبیرلره و یاتیریمچی توپلانتیلارینا قاتیلاجاق، ایکی‌لی گؤروشمه‌لر کئچیره‌جک و تخمیناً 50 گؤروشه قاتیلاجاق.

ناظیر شیمشک ایکی گون داوام ائد‌جک جی-20 توپلانتیلارین‌دان سونرا دونیا بانکی اینکیشاف کومیته‌سینین ایجلاسینا قاتیلاجاق.

آمریکانین مالییه ناظیری یئلن و پاکیستانین مالییه ناظیر آورانگزئب ایله گؤروشه‌جک شیمشک جی-20 توپلانتیلاری چرچیوه‌سین‌ده دیگر همکارلاری ایله ده گؤروشه‌جک.

شیمشک، همچینین چوخطرف‌لی اینکیشاف بانکلارینین باشقانلاری و یوکسک سوییه‌لی رهبرلری، دونیا بانکینین صدری آجای بانگا، آسیا اینکیشاف بانکینین باشقانلیغینا نامیزدی ماساتو کان‌دا، ژاپون بین الخالق امکداش‌لیق آژانسینین صدری نوبومیتسو هایاشی، آوروپا شوراسی اینکیشاف بانکینین صدری کارلو مونتیسئل‌لی، ایسلام اینکیشاف بانکینین صدری محمد الجاسر و بین الخالق فینانس قورومونون یوکسک سوییه‌لی رهبرلری ایله گؤروشمه‌لر کئچیره‌جک.

ناظیر شیمشک،اولوسلار آراسی پول صاندیغی صدری کریستالینا جئورجیئوا و بیرینجی باشقان یاردیمچیسی گیتا گوپینات ایله ده گؤروشه‌جک.

آمریکا تماسلاری چرچیوه‌سین‌ده یاتیریمچی گؤروشمه‌لرینه قاتیلاجاق شیمشک ب ب وا، ژپ مورگان، ب آو آ، ه.س.ب.س، دویچ بانک، ایستاندارد چارترد و بارسلایس کیمی اؤنجو یاتیریمچی بانکلاری ایله گئنیش قاتیلیملی یاتیریمچی سمینارلارین‌دا تقدیماتلار ائد‌جک.

ناظیر شیمشک اؤلکه‌نین آپاریجی دوشونجه مرکزلری ایله ده گؤروشه‌جک.

بروکینگس اینستیتوتونون ان اهمیت‌لی آراش‌دیرما مرکزلرین‌دن بیری اولان هوتچینس سنتر-ده تورکیه ایقتیصادی ایله باغلی اطراف‌لی تقدیمات ائد‌جک شیمشک، آتلانتیک شورا و بین الخالق مالییه اینستیتوتون‌دا تورکیه‌نی یاخین‌دان ایزله‌یه‌ن عالیم و ایقتیصادچیلارلا گؤروشمه کئچیره‌جک.



ایلگیلی‌لی خبرلر