فیدان تورکیه ایله اوکراین آراسینداکی امکداشلیغین گون‌به‌گون گوجلندیگینی بیلدیریب
تورکیه‌نین خاریجی ایشلر ناظیری هاکان فیدان اؤلکه‌سیله اوکراین آراسیندا چوخ شاخه‌لی امکداشلیغین گون‌به‌گون گوجلندیگینی بیلدیریب.
تورکیه‌نین خاریجی ایشلر ناظیری هاکان فیدان اؤلکه‌سیله اوکراین آراسیندا چوخ شاخه‌لی امکداشلیغین گون‌به‌گون گوجلندیگینی بیلدیریب.
پایتخت آنکارادا اوکراین‌لی همکاری آندری "سیبیها" ایله گؤروشوندن سونرا تشکیل ائدیلن بیرگه مطبوعات کنفرانسیندا چیخیش ائدن هاکان فیدان بئله دئییب:
"تورکیه ایله اوکراین آراسینداکی علاقه‌لر محکم آددیم‌لارلا ایلرلییر.
روسیه-اوکراین محاربه‌سی‌نین یاراتدیغی ژئوسیاسی چتین‌لیک‌لرله اوز-اوزییک. بونا باخمایا‌راق، اوکراین ایله چوخ اؤلچولو امکداشلیغیمیز گون‌به‌گون گوجلنیر.
قیریم‌ین (کریمه) دا داخیل اولدوغو اوکراین‌ین اراضی بوتؤو‌لوگو، اگمنلیگینی و موستقیل‌لیگینی دستکلییریک. محاربه‌نین اولوسلار آراسی حقوق اساسیندا و دانیشیق‌لار یولو ایله حلینه جهدلر داوام ائدیر.
تورکیه ایله اوکرایناآراسیندا 2011-جی ایلده ایمضا‌لانان آزاد تیجارت سازیش نامه‌نین تورکیه‌ده تصدیقلنمه‌سی پروسه‌سی تاماملانیب. اوکراین‌داکی پروسه‌سین تاماملانماسی ایله اینشاللاه اقتصادی امکداشلیغیمیزی قورومسال اولا‌راق داها دا ایره‌لی آپاراجاغیق.
اوکراین‌ین یئنی‌دن قورولماسینی دا هرطرف‌لی موذاکیره ائتدیک.
تورکیه‌نین پیمانکاری شیرکت‌لری اوکراینادا لیدئر مؤضعده دیر.
موذاکیره اولونان مسئله‌لر آراسیندا انرژی مؤوضوعسو دا وار. همچنین اوکراین‌ین انرژی امنیتی‌نی گوجلن‌دیره‌جک لاییحه‌لری ده موذاکیره ائتدیک.
تورکیه ایله اوکراینی تکجه جغرافی یاخین‌لیق دئییل، هم ده اورتاق تاریخ بیرلشدیریر. قیریم تاتارلاری بو عمومی تاریخین بیر حیصه‌سی‌دیر. اوکراین پرزیدنتی جناب ولودیمیر زلنسکی باشدا اولماقلا، اوکراین حکومتی قیریم تاتارلاری‌نین حقوق‌لارینی محکملندیرمک اوچون تقدیره لاییق حقوقی دوزنله‌مه‌لر ائدیب. امین‌یک کی بو ایستیقامتده علاوه آددیم‌لار آتیلا‌جاق".
ایلگیلی‌لی خبرلر
تورکیه‌نین سوریه‌ده‌کی سفیرلیگی بو گون‌دن اعتباراً فعالیته باشلایا‌جاق
بو باره‌ده تورکیه‌نین خاریجی ایشلر ناظیری هاکان فیدان معلومات وئریب.
