"ایسرائیلی خبردار ائدیرم، لبنان-ا قارشی عملیاتین نتیجه‌لری، گئچمیش ایشغاللاری ایله عینی اولمایاجاق"
اردوغان: گئج-تئز اؤزونو بؤیوک گوزگوده گؤرن هیتلئرین دایاندیریلدیغی کیمی، نئتانیاهو دا دایاندیریلاجاق
پرئزیدئنت رجب طیب اردوغان، ایسرائیل-ه "لبنان-ا قارشی قورو عملیاتینین نتیجه‌لری گئچمیش ایشغاللاری ایله عینی اولمایاجاق" دئیه خبردارلیق ائتدی.
تورکیه بؤیوک میللت مجلیسی‌نین ۲۸-جی دؤور ۳-جو قانون‌وئریجیلیک ایلینین آچیلیش توپلانتیسیندا، میللت وکیللری قارشیسیندا چیخیش ائدن پرئزیدئنت اردوغان، ایسرائیل‌ین غزه‌یه و لبنان-ا هوجوملارینا توخونوب.
اردوغان، ایسرائیل‌ین غزه‌ده سوی‌قیریم تؤرتدیگی، لبنان‌دا تئرور سالدیریلاری تؤرتدیگی بیر واختدا بؤلگه اؤلکه‌لرینی اؤز آتشینه چکمک اوچون هر واسیطه‌یه ال آتدیغینی، هر جور تخریباتا ال آتدیغینی بیلدیریب.
اردوغان، بوتون بؤلگه‌نی آتشه توتماغی هدفله‌ین، غزه‌ده ۱۷ مینی اوشاق اولماقلا ۴۲ مین اینسانی قتله یئتیرن، ایندی ده لبنان‌دا قیرغینا باشلایان ایسرائیل‌ین دونیادان لازیمی و یئترلی تپکی آلمادیغینا دقت چکیب.
پرئزیدئنت اردوغان، "ایسرائیل دؤولتی، نئتانیاهو آدلی بیر هیتلئر آرزوسوندا اولان بیر آدامین اداره‌سی آلتیندا، سون ۵۱ هفته عرضینده اینسانلیغا قارشی بوتون جینایتلری تؤرتدی. کین و نیفرتله اداره اولونان بیر قتل شبکه‌سینین الینده غزه، ۴۲ مین گوناهسیز اینسانین قتله یئتیریلدیگی بؤیوک بیر قیرغین دوشرگه‌سینه چئوریلدی" دئدی.
اردوغان نه ائتسه ده، گئج-تئز ایسرائیل‌‌ده، اؤزونو بؤیوک گوزگوده گؤرن هیتلئرین دایاندیریلدیغی کیمی نئتانیاهونون دا دایاندیریلاجاغینی وورغولاییب.
ایسرائیل رهبرلیگینین وعد ائتدیگی تورپاق آلداتماجاسی ایله حرکت ائده‌رک، فیلیسطین و لبنان‌دان سونرا تورکیه‌یه دقت یئتیره‌جه‌یینه ایشاره ائدن اردوغان، "ایشغال، تئرور و تجاووز بیزیم یانیمیزدادیر. قارشیلاشدیغیمیز حقوقی دؤولت دئییل، قانلا بسلنن و ایشغال ایله چیچکله‌نن قاتیل سوروسودور" دئدی.
تورکیه جمهور باشقانی، "ایسرائیل تجاووزو تورکیه‌نی ده احاطه ائدیر. بیز وطنیمیز، میللتیمیز، موستقیللی‌ییمیز اوچون بو دؤلت تئرورونا قارشی الیمیزده اولان هر واسیطه ایله دایاناجاغیق. ایسرائیلی چوخ آچیق شکیلده خبردار ائدیرم، لبنان-ا قارشی قورو عملیاتینین نتیجه‌لری، گئچمیش ایشغاللاری ایله عینی اولمایاجاق" دئدی.
