تورکیه: ایسرائیلین لبنانا هوجومو ایشغال جهدیدیر
"ایسرائیلین لبنانا قورو هوجومو باشلاداراق بو اؤلکه‌نین اگمنلیگینی و تورپاق بوتونلوگونو پوزماسی، حقوقسوز بیر ایشغال جهدیدیر
تورکیه، ایسرائیلین لبنانا قورو هوجومو باشلاتماسینین، حقوقسوز بیر ایشغال جهدی اولدوغونو بیلدیردی.
خاریجی ایشلر ناظیرلیگیندن بو مؤوضوعا دایر وئریله‌ن یازیلی شرحده، "ایسرائیلین لبنانا قورو هوجومو باشلاداراق بو اؤلکه‌نین اگمنلیگینی و تورپاق بوتونلوگونو پوزماسی، حقوقسوز بیر ایشغال جهدیدیر. بو هوجومون تئزلیکله سونا چاتماسی و ایسرائیل عسگرلرینین لبنان تورپاقلاریندان چکیلمه‌سی لازیمدیر" ایفاده‌لرینه یئر وئریلدی.
هوجومون، یالنیز بؤلگه اؤلکه‌لرینی دئییل، بؤلگه خاریجی اؤلکه‌لرین ده تهلوکه‌سیزلیک و ثابیتلیگینی هدف آلدیغی ایفاده ائدیله‌ن شرحده، بونلار قئید ائدیلدی:
"بو تهلوکه‌لی ایشغال جهدی نتیجه‌سینده یئنی بیر کؤچ دالغاسینین اورتایا چیخماسی و بوتون دونیادا رادیکاللارین زمین قازانماسی قوتله محتملدیر. بو اینکیشافلارین ایسرائیله سیاسی دستک و سلاح تامین ائد‌ن اؤلکه‌لره ده تأثیر ائدجگی اونودولمامالیدیر".
بیرلشمیش میللتلر تهلوکه‌سیزلیک شوراسینین، بین الخالق حقوقون ضروری قیلدیغینی گئرچکلشدیرمه‌سی و لبنانین ایشغالینا ایستیقامتلی بو هوجوما قارشی لازیم اولان تدبیرلری آلما‌سی لازیم اولدوغو ایفاده ائدیله‌ن شرحده، ایسرائیل طرفیندن ایشله‌نه‌ن هر جینایتین، "بین الخالق حقوقا و بیرلشمیش میللتلر شرطینه وورولان بیر ضربه" اولدوغو وورغولاندی.
شرحده، بؤلگه‌ده سوکونتین تاسیسی اوچون آتیلماسی لازیم اولان باشلیجا آددیمین "غزه‌ده عاجیل و قالیجی آتیشکسین تامین ائدیلمه‌سی" اولدوغونا دقت چکیله‌رک غزه‌یه باریش گتیریلمه‌سینین بوتون اینسانلیغین مسئولیتی اولدوغو خاطیرلادیلدی.
