تورکیه آلمان‌دا اوتورما ایجازه‌سی اولمایانلارین تورکیه‌یه گؤندریلجه‌گی ادعالاری تکذیب ائدیب

تورکیه جمهور باشقانلیغی‌نین ارتباطات اداره‌سی، آلمان‌دا قانونی اوتورما ایجازه‌سی اولمایانلارین تورکیه‌یه گؤندریلجه‌گی ایله باغلی ادعالاری تکذیب ائدیب.

ارتباطات باشقانلیغی دئزینفورماسیون ایله موباریزه مرکزیندن ائدیلن آچیقلامادا بعضی سوسیال مئدیا حئسابلاریندا آلمان مطبوعاتیندا پایلاشیلان "آلمان ایله سیغیناجاق آختاران/ قاچقین موقاویله‌سی ائدیلدیگی، ۲۰۰ قاچقینین تورکیه‌یه گؤندریلدیگی" ادعالار دوغرو دئییل.

تورکیه‌یه ۲۰۰ قاچقین گؤندریلدی ادعاسی ایله پایلاشیلان گؤرونتولرین فتح‌الله-چی تئرور تشکیلاتینین (فئتؤ) تبلیغات حئسابلاری طرفیندن مونتاژ ائدیله‌رک خیدمت گؤستریلدیگی بیلدیریلیب.