اردوغان: قان تاجیرلری گوجله‌نن تورکیه‌دن راحاتسیز اولورلار

جمهورباشقانی اردوغان، تورکیه‌نین دینجلیگیندن ان کیچیک بیر امتیاز وئره بیلمه‌یه‌جکلرینی، بو مؤوضوعدا سون درجه قرارلی، درایتلی اولدوقلارینی سؤیله‌دی.

جمهورباشقانی رجب طیب اردوغان، ایستانبول آتاتورک هاوالیمانیندا، ژاندارما و امنیت تشکیلاتلارینا یئنی واسطه‌لرین خیدمته آلیشی سببی ایله تشکیل ائدیله‌ن مراسیمده دانیشدی.

جمهورباشقانی اردوغان، "ترور تشکیلاتلارینا سرحدلریمیز ایچینده و خاریجینده نفس آلاجاقلاری هئچ بیر ساحه بوراخمادیق. ۲۰۲۴ ایلی ایچریسینده پ‌کاکادان فئتویا، دح‌ک‌پ/ج‌دن داعشه، الی قانلی جانیلره قارشی ۳۵ مین ۵۰۰ عملیات تشکیل ائدیلدی" دئدی.

جمهورباشقانی اردوغان، "(مدافعه صنایعی سرمایه‌لری) لبنانا قارشی تشکیل ائدیله‌ن سایبری ترور هوجوملارییلا بونون نه قدر حیاتی اولدوغونو بیر دفعه داها گؤردوک. تورکیه‌نین دینجلیگیندن ان کیچیک بیر امتیاز وئرمریک. بو مؤوضوعدا سون درجه قرارلیییق، درایتلیییک. میللتیمیزین دینجلیگینی پوزان، جمعیت نظامینی پوزان هر کس، دؤولتیمیزین مخمر اله‌جگی ایچینده‌کی چئلیکدن یومروغویلا قارشی قارشییا اولاجاق" شکلینده دانیشدی.

جمهورباشقانی اردوغان، "وعد ائدیلمیش تورپاقلار خیالی قورانلار، اسکی استیثمار چارخلارینی چئویرمک ایسته‌یه‌نلر بیزدن راحاتسیز اولورلار. سلاح لابیلری، خائوس لابیلری، مظلوملارین گؤز یاشیندان بسلنه‌ن قان تاجیرلری، بیزدن، بؤیویه‌ن و گوجلنه‌ن تورکیه‌دن راحاتسیز اولورلار" دئدی.