عمر چئلیک: ایسرائیل ساواشی گئنیشلتمک ایسته‌ییر
"(نتانیاهو حکومتی) ساواشین لبناندان ایرانا قدر گئنیش بیر ساحه‌یه یاییلماسینی ایسته‌ییر. بونون هر هانسی بیر شکیلده ایسرایلین مدافعه اولونماسی ایله علاقه‌سی یوخ تامامیله نتانیاهو قیرغین شبکه‌سینین سیاسی حسابلاری ایله علاقه‌سی وار"
عدالت و قالخینما پارتیسینین (آک پارتی) سؤزچوسو عمر چئلیک، ایسرایلین لبناندا چاغری جیهازلارینی پاتلاتماسییلا باغلی "ایسرائیل باش ناظیری بنیامین نتانیاهو، حکومتی اوزرینده‌کی تضییق‌دن قاچماق اوچون ساواشی گئنیشلتمک ایسته‌ییر" دئدی.
عمر چئلیک، پارتیسینین آنکارا ائل باشقانلیغی طرفیندن تشکیل ائدیله‌ن مدنی قورولوشلار توپلانتیسینین آردیندان سواللاری جاوابلاندیردی.
نتانیاهو حکومتینین بین الخالق حقوقون قارشیسیندان قاچماق و اوزرینده‌کی تضییقی اورتادان قالدیرماق اوچون ساواشی گئنیشلتمک اوزره بیر توتوم ایچریسینده اولدوغونو وورغولایان چئلیک،
"(نتانیاهو حکومتی) ساواشین لبناندان ایرانا قدر گئنیش بیر ساحه‌یه یاییلماسینی ایسته‌ییر. بونون هر هانسی بیر شکیلده ایسرایلین مدافعه اولونماسی ایله علاقه‌سی یوخ تامامیله نتانیاهو قیرغین شبکه‌سینین سیاسی حسابلاری ایله علاقه‌سی وار" دئدی.
جمهورباشقانی رجب طیب اردوغانین داها اول ده نتانیاهو قیرغین شبکه‌سینین ساواشی بؤلگه‌یه یایما آرخاسیندا اولدوغونا دقت چکدیگینی خاطیرلادان عمر چئلیک،
"نتانیاهو قیرغین شبکه‌سینین ساواشی لبنانا و دیگر یئرلره یایما مؤوضوعوندا سیستماتیک فعالیت ایچریسینده اولدوغو گؤرولدوگونده جمهورباشقانیمیزین نه قدر حاقلی نه قدر دوغرو اولدوغو بیر دفعه داها اورتایا چیخمیشدیر. سونوندا قیرغین شبکه‌سی بین الخالق حقوقون اؤنونه چیخاجاق بوندان هئچ بیر شکیلده قاچابیلمزلر. سونوندا بونون جزاسینی چکه‌جکلر" قیمتلندیرمه‌سینی وئردی.
