تورکیه-سوئد تهلوکه‌سیزلیک مکانیزمی ایجلاسی آنکارادا کئچیریله‌جک
تورکیه ایله سوئد آراسین‌دا "تهلوکه‌سیزلیک مکانیزمی" گؤروشو صاباح پایتاخت آنکارادا کئچیریله‌جک.
تورکیه ایله سوئد آراسین‌دا "تهلوکه‌سیزلیک مکانیزمی" گؤروشو صاباح پایتاخت آنکارادا کئچیریله‌جک.
ایجلاسا خاریجی ایشلر ناظیری هاکان فیدان و سوئد‌لی همکاری ماریا مالمر ایستنرگارد باشقانلیق ائد‌جک.
خاریجی ایشلر منبع‌لرین‌دن آلینان معلوماتا گؤره، ایلک دفعه کئچیریله‌جک تهلوکه‌سیزلیک مکانیزمی توپلانتی‌سی ایکی اؤلکه‌نین قوروملاری آراسین‌دا ترورلا باغلی امکداشلیغین تکمیللشدیریلمه‌سی باخیمین‌دان خصوصی اهمیت کسب ائدیر.
پرئزیدئنت رجب طیب اردوغان، سوئدین باش ناظیری اولف کریسترسون و ناتو باش کاتیبینین ایشتیراکی ایله 2023-جو ایل ناتو ویلنوس ایجلاسی چرچیوه‌سین‌ده کئچیریلن توپلانتی‌دا تورکیه ایله سوئد آراسین‌دا ناظیرلر سوییه‌سین‌ده "تهلوکه‌سیزلیک مکانیزمی"نین یارادیلماسی قرارا آلینیب. سوئدین تروریزمین بوتون فورما و تظاهرلرینه قارشی موباریزه‌سی اساسین‌دا، 2022-جی ایلده ایمضالانمیش اوچطرف‌لی آنلاشما مموراندومون‌دا قئید اولونان مسئولیتلرین تام یئرینه یئتیریلمه‌سینه اویغون اولاراق "یول پلانی" تقدیم ائتمه‌سی راضیلاشدیریلدی.
گؤروشمه‌لرده یول پلانی چرچیوه‌سین‌ده تهلوکه‌سیزلیک، خصوصیله ده ترورلا موباریزه ساحه‌سین‌ده امکداش‌لیق موذاکیره اولوناجاق. خصوصیله پ.ک.ک/پ.ی.د/ی.پ.گ و فئتو ترور تشکیلاتلاری باغلامیندا علاوه آددیملارین آتیلماسی هدف‌لنیر.
خاریجی ایشلر ناظیری هاکان فیدان ایله سوئد خاریجی ایشلر ناظیر آراسین‌دا کئچیریله‌جک گؤروشمه‌لرده ایکیطرفلی مسئله‌لر، بؤلگه‌سل و گلوبال حادثه‌لر ده موذاکیره اولوناجاق.
ایلگیلی‌لی خبرلر
اردوغان پوتین ایله تیلفون‌دا دانیشیب
تیلفون دانیشیغیندا تورکیه-روسیه ایکیطرفلی علاقه‌لری، بؤلگه و دونیا قونولاری موذاکیره ائدیلیب
