تورکیه دونیانین ان بؤیوک ایها-سیها تداروکچوسو اولدو
چین، تورکیه و ایران‌ین اوجوز حربی پیلوتسوز اینسانسیز هاوا آراجی اینکیشاف ائتدیرمه‌سین‌دن سونرا ایسرائیل و آمریکانین پیلوتسوز اوچوش آپاراتلاری بازارینداکی اوستونلویو سونا چاتدی
تورکیه سون ایللرده‌کی اوغورلو پئرفورمانسی ایله دونیانین ان بؤیوک اینسانسیز هاوا آراجی و اینسانسیز سیلاحلی هاوا آراجی تداروکچوسو اولدو.
آمریکادا یئرلشن یئنی آمریکا گوونلیک مرکزی CNAS تشکیلاتی حربی اینسانسیز هاوا آراجی و اینسانسیز سیلاحلی هاوا آراجلارینین گلوبال بازاری حاقیندا گزارش پایلاشیب.
موللی کمپبل طرفیندن حاضیرلانان گزارشه گؤره، چین، تورکیه و ایران‌ین اوجوز حربی پیلوتسوز اینسانسیز هاوا آراجی اینکیشاف ائتدیرمه‌سین‌دن سونرا ایسرائیل و آمریکانین پیلوتسوز اوچوش آپاراتلاری بازارینداکی اوستونلویو سونا چاتدی.
چین، تورکیه و آمریکا ۲۰۱۸-جی ایلدن بری ۴۰ موختلیف اؤلکه‌یه عومومیلیکده ۶۹ سیلاحلی ایها ساتیب.
تورکیه بو ساتیشلارین یوزده ۶۵-ینی رئاللاشدیردیغی حالدا، چین یوزده ۲۶-ی، آمریکا ایسه یوزده ۸-ی حیاتا گئچیره‌بیلدی.
۲۰۲۲-جی ایلده ۶ یئنی اؤلکه ایها-سیها ساتین آلدیغی حالدا، بونلارین هامیسی بایکار طرفیندن ایستئحصال اولونان بایراکتار ت‌ب۲ ایدی.
چین‌ین اینسانسیز هاوا آراجی و اینسانسیز سیلاحلی هاوا آراجی ساتیشلاری ۲۰۱۴-جو ایلده پیک نؤقطه‌سینه چاتدیغی حالدا، ۲۰۲۱-جی ایله قدر تورکیه چین-ی گئچه‌رک دونیانین ان بؤیوک تداروکچوسونا چئوریلدی.
بیلگیلره گؤره، تورکیه‌نین اینسانسیز هاوا آراجی و اینسانسیز سیلاحلی هاوا آراجلاری، لبنان، داغلیق قاراباغ و اوکراین‌داکی ساواش میدانلاریندا اوغورلو چیخیشی و بو پئرفورمانسین مئدیادا موثبت عکسی تورکیه ایهالارینی ذیروه‌یه چاتدیریب.
