اردوغان، بیرلشمیش میلتلر تشکیلاتی‌نین عمومی قورولوندا چیخیش ائده‌جک
جمهور باشقانی اردوغان‌ین بیرلشمیش میلتلر تشکیلاتی‌نین ۷۹-جو عمومی قورولوندا چیخیشینین اساس گوندم مؤوضوعسو، ایسرائیل‌ین غزه‌یه هوجوملاری اولاجاق
پرئزیدئنت رجب طیب اردوغان ۲۴ سپتامبر گونو بیرلشمیش میلتلر تشکیلاتی‌نین عمومی قورولوندا ۱۴-جو دفعه چیخیش ائده‌جک.
جمهور باشقانی اردوغان‌ین بیرلشمیش میلتلر تشکیلاتی‌نین ۷۹-جو عمومی قورولوندا چیخیشینین اساس گوندم مؤوضوعسو، ایسرائیل‌ین غزه‌یه هوجوملاری اولاجاق.
اردوغان اولوسلار آراسی جامعه‌نین ایسرائیل‌ین هوجوملارینا قارشی دورماغا چاغیراجاق.
اردوغان ذیروه چرچیوه‌سینده دؤلت و حؤکومت باشچیلاری ایله ده گؤروشلر گئچیره‌جک.
هر ایل آمریکانین نیویورک شهرینده دونیا لیدئرلرینی بیر آرایا گتیرن بیرلشمیش میلتلر تشکیلاتی‌نین عمومی قورولونون ۷۹-جو ایجلاسی سپتامبرین ۲۲-ده «گلجه‌یین ذیروه‌سی» ایله آچیلاجاق.
یوکسک سوییه‌لی هفته کیمی تانینان و لیدئرلرین چیخیشلارینا ائو صاحیبلی‌یی ائدن توپلانتی سپتامبرین ۲۴-ده باشلایاجاق.
بیرلشمیش میلتلر تشکیلاتی‌نین عمومی قورولونون ۷۹-جو ایجلاسیندا پرئزیدئنت رجب طیب اردوغان‌ین بیرینجی گون اوچونجو جرگه‌ده چیخیش ائدجه‌یی گؤزلنیلیر.
عمومی قورولدا ۱۹۰ اؤلکه‌دن یوکسک سوییه‌لی ایشتیراک گؤزلنیلیر.
