نعمان کورتولموش صبرا و شتیلا قتل عامیندا هلاک اولان‌لاری یاد ائتدی
کورتولموش سوسیال مئدیا حسابیندا ائتدیگی پای‌لاشیمدا، بو قتل عامی اینسان‌لیق تاریخینده قارا بیر لکه کیمی یاد ائتدیک‌لرینی وورغولاییب.
تورکیه بؤیوک میللت مجلیسی‌نین صدری نعمان کورتولموش، لوبنان‌ین پایتاختی بیروت‌دا 1982-جی ایلده ایشغالچی ایسراییل اوردوسونون حمایه‌سینده آشیری ساغچی خریستیان فالانژیست میلیس‌لرین 3 میندن چوخ مدافعه‌سیز اینسانی قتله یئتیردیگی صبرا و شتیلا قتل عامیندا هلاک اولان‌لاری آندی.
کورتولموش سوسیال مئدیا حسابیندا ائتدیگی پای‌لاشیمدا، بو قتل عامی اینسان‌لیق تاریخینده قارا بیر لکه کیمی یاد ائتدیک‌لرینی وورغولاییب.
او، فالانژیست چته‌لرین صهیونیست‌لرین دستکی ایله مین‌لرله گوناه‌سیز اینسانی اؤلدوردوگونو و بو دهشتلی حادثه‌نین آرخاسینداکی مسئول شخص‌لرین عدالت قارشی‌سینا چیخاریلمادیغینی قئید ائدیب.
کورتولموش، "حساب سورولمایان هر ظلم یئنی آجی‌لارین و قتل عام لارین یولونو آچدی،" دئیه‌رک، اولوسلار آراسی حقوقی پروسه لرین بؤلگه میزده عدالتلی بیر باریش و تهلوکه‌سیزلیگی تامین ائده جک تمل لرین ان قیسا زاماندا آتماسینی آرزو ائدیرم، صبرا و شتیلا قتل عامی‌نین آغریسی‌نین بو گون غزه، اوردون چایی‌نین باتی ساحلی و فیلیسطین تورپاق‌لاریندا یاشانان حاق‌سیزلیق‌لارلا هله ده یانکیلاندیغینی وورغولاییب.
آشیریلیغین، فاناتیزمین و اینسان‌لیق‌دان اوزاقلاشمانین بدلینی قوربان اولان‌لار اؤددیگی کیمی، سس سیز قالانلار دا بونون بدلینی مطلق اؤده‌یه‌جک‌لر. "تاریخ بیزه دؤنه-دؤنه گؤستردی کی، ظلمه گؤز یومان‌لار بیر گون او قارانلیغین ایچینده ایته‌جک‌لر." ایفاده لریندن ایستیفاده ائتدی.
