عایشه‌نور ائزگی ائیگینین جنازه‌سی تورکیه‌یه گتیریلدی
ائیگینین اؤلوم سببینین "ایستی سلاحلا وورولما قایناقلی بئیینده پارچالانما، قاناما و شیش" اولدوغو بیلدیریلدی
اردن چایینین باتی ساحیلینده شهید ائدیله‌ن آکتیویست عایشه‌نور ائزگی ائیگینین، ایسرائیل عسگرلری طرفیندن اؤلدورولدوگو اوتوپسی راپورویلا اثبات ائدیلدی.
نابلوسدا اولان النجاح میللی اونیوئرسیته‌سی عدلی طب اینستیتوسوندا ائدیله‌ن اوتوپسی راپورو تاماملاندی.
راپور‌دا، ائیگینین ایسرائیل کسکین نیشانچیسینین سلاحیندان چیخان مرمی ایله شهید ائدیلدیگی ایفاده ائدیلدی.
راپور‌دا، ائیگینین اؤلوم سببینین "ایستی سلاحلا وورولما قایناقلی بئیینده پارچالانما، قاناما و شیش" اولدوغو بیلدیریلدی.
متخصصلر طرفیندن حاضرلانان راپور‌دا "اؤلوم سببینی، جمجمه بوشلوغونا گیره‌ن ایستی مرمینین یول اچدیغی بئیین زیانینا باغلاماقداییق" دئییلدی.
راپور‌دا، "مرمینین جمجمه بوشلوغو ایچینده‌کی یولو آز هاراداسا دوز بیر خط‌ده سولدان ساغا دوغرو اولموشدور" ایفاده‌سیندن ایستیفاده ائدیلدی.
ائیگینین باشیندا چوخ ساییدا دکیر پارچانین معین ائدیلدیگی ده قئید ائدیلدی.
بو آرادا، ایسرائیل عسگرلرین طرفیندن قتل ائدیله‌ن عایشه‌نور ائزگی ائیگینین جنازه‌سی، آذربایجاندان ایستانبولا گتیریلدی.
آیدینا دفن ائدیله‌جک ائیگینین جنازه‌سی، ایستانبول هاوالیمانیندان طیاره ایله ایزمیره گؤندریلدی.
ایسرائیل اوردوسونون ایجرا ائتدیگی استینطاق نتیجه‌سینده ائیگینین بیر باشا هدف آلینمادیغی قارشییا قویولموشدو.
ایسرائیل اوردوسو، ائیگینین ایسرائیل عسگرلرینین ائتدیگی آتیش نتیجه‌سینده "قصد اولمادان اؤلدورولموش اولا بیله‌جگینی"، ائیگینی ووران ایسرائیل عسگرینین، "بو سیرادا باشقا بیر نومایشچینی هدف آلماق ایسته‌دیگینی" ادعا ائتمیشدی.
آمریکا بیرلشمیش دؤولتلری باشقانی جو بایدن، ۱۱ سپتامبردا، ایسرائیل عسگرلرین طرفیندن اؤلدوروله‌ن ائیگی ایله باغلی سوالا، "ائله گؤرونور کی بو، بیر قضا ایدی. (مرمی) یئره اصابت ائتدیکدن سونرا قضا اثری اونو وورموش" جاوابینی وئرمیشدی.
آغ ائوده‌ن وئریله‌ن شرحده ده ائیگینین اؤلومونون "تراژیک بیر سهوین نتیجه‌سی" اولدوغو ادعا ائدیلمیشدی.
تورک-آمریکا وطنداشی ۲۶ یاشینداکی عایشه‌نور ائزگی ائیگی، ۶ سپتامبردا ایشغال آلتینداکی اردن چایینین باتی ساحیلینین نابلوس شهرینه باغلی بیتا بؤلگه‌سینده تشکیل ائدیله‌ن ایشغال علیه‌ی نومایشده ایسرائیل کسکین نیشانچیسی طرفیندن ائدیلن آتیش نتیجه‌سینده باشیندان وورولاراق حیاتینی ایتیرمیشدی.
