اردوغان، بیرلشمیش میللتلر فعالیتینه ویدئو مئساژ گؤندردی

جمهورباشقانی رجب طیب اردوغان، ایسرائیلین ایشغال سیاستلری قارشیسیندا باشدا بیرلشمیش میللتلر اولماق اوزره بین الخالق جمعیتین سسینین داها گور چیخماسی لازیم اولدوغونو سؤیله‌دی.

"بیرلشمیش میللتلر گله‌جگین ذیروه‌سی قلوبال چاغریش" آنلاین فعالیتینه ویدئو مئساژ گؤندره‌ن جمهورباشقانی اردوغان، دؤولت و حکومت باشقانلاری ایله بیرلشمیش میللتلر باش کاتیبی آنتونیو گوترشی سلاملادی.

گوونلی و مرفه بیر گله‌جک قورا بیلمک اوچون اؤنجه باریشا احتیاج اولدوغونون وورغولایان اردوغان، دانیشماسینا بئله داوام ائتدی:

"تروریزم، ایسلام و خاریجی دوشنلیگی، دوزنسیز کؤچ، ایقلیم دییشیکلیگی کیمی میدان اوخومالار، یاشانان ژئوپولیتیک سارسینتیلارین شدتینی آرتیریر. بونون ان آجی نومونه‌سینی ۱۱ آیدیر غزه باشدا اولماق اوزره ایشغال ائدیلمیش فیلیسطین تورپاقلاریندا گؤروروک. ۱۷ مینی اوشاق ۴۱ میندن چوخ اینسانین حیاتینی ایتیردیگی، ۱۰۰ مینین اوزرینده یارالینین اولدوغو، غزه‌نین هاراداسا هامیسینین یئرله بیر ائدیلدیگی بیر تابلو ایله قارشی قارشییاییق. ایسرائیلین ایشغال سیاستلری قارشیسیندا باشدا بیرلشمیش میللتلر اولماق اوزره بین الخالق جمعیتین سسینین داها گور چیخماسی شرط. اوشاقلارین بومبالایارین آلتیندا جان وئردیگی بیر دونیادا هئچ بیریمیز اؤزوموزو گوونده حیس ائده‌بیلمریک. تورکیه اولاراق ظلمون قارشیسیندا و مظلومون یانیندا دورماغا داوام ائد‌جک، بو اینسانی دوروشوموزدان دا گئری آددیم آتمایاجاغیق".

جمهورباشقانی اردوغان، یالنیز معین بیر رفاه سویه‌سینی یاخالامیش اؤلکه‌لرین دئییل اینکیشاف سعیلرینی داوام ائتدیره‌ن جمعیتلرین ده حقانیتله تمثیل ائدیلدیگی بیر گلوبال اداره ائتمه معماریسینی تامین ائتمه‌لری لازیم اولدوغونو وورغولادی.

اردوغان، "جمعیتلریمیزی زهرله‌یه‌ن هر جور نیفرت ایفاده‌سینه، عیرقچیلیغا و فاناتیک ساغ آخینلارا قارشی دموکراسیلریمیزی قوروماق مجبوریتینده‌ییک" دئدی.