تورکیه، آمریکا ایله گونئی قیبریس آراسینداکی آنلاشمانی قینادی

تورکیه، آمریکا بیرلشمیش دؤولتلری ایله گونئی قیبریس روم رهبرلیگی آراسیندا مدافعه ساحه‌سینده امکداشلیغین اینکیشاف ائتدیریلمه‌سی ایستیقامتینده بیر یول خریطه‌سی ایمضالانماسینی قینادی.

خاریجی ایشلر ناظیرلیگی طرفیندن بو مؤوضوع ایله باغلی وئریله‌ن یازیلی شرحده، "آمریکا ایله گونئی قیبریس روم رهبرلیگی آراسیندا مدافعه ساحه‌سینده ایش‌بیرلیگینین اینکیشاف ائتدیریلمه‌سی ایستیقامتینده بیر یول خریطه‌سی ایمضالانماسینی قیناییریق" ایفاده‌لریندن ایستیفاده ائدیلدی.

قوزئی قیبریس تورک جمهوریتی خاریجی ایشلر ناظیرلیگی طرفیندن بو مؤوضوع ایله باغلی یاییملانان شرحده ایفاده ائدیله‌ن گؤروشلرین پایلاشیلدیغی کؤچوروله‌ن شرحده، قوزئی قیبریس تورک جمهوریتی مقاملارینین اورتایا قویدوغو "حاقلی تپکینین تامامی ایله دستکله‌نیلدیگی" وورغولاندی.

شرحده، بونلار قئید ائدیلدی:

"آمریکا مقاملاری طرفیندن، گئچدیگیمیز ژوئن آییندا گونئی قیبریس روم رهبرلیگی ایله استراتژیگ دیالوگ باشلادیلاجاغینین آچیقلانماسی دا داخیل، قیبریس تورک طرفینین تهلوکه‌سیزلیگی علیه‌ینه آتیلان بو آددیملار، آمریکانین قیبریس آداسینا ایستیقامتلی طرفسیز توتومونا ضرر وئرمکده و قیبریس مسئله‌سینه عدالتلی، قالیجی و داوام ائتدیریله بیلر بیر حل تاپیلماسینی چتینلشدیرمکده‌دیر. بو چرچیوه‌ده، یؤلگه‌سل ثابتلیگه ضرر وئره بیله‌جک سیاستلرین نظردن گئچیریلمه‌سی لازیم اولدوغونو دوشونوروک. آنا وطن و ضامن دؤولت تورکیه، قیبریس تورکونون تهلوکه‌سیزلیگینی و رفاهینی هر شرط‌ده تامین ائتمه‌یه داوام ائد‌جک".

آمریکا ایله گونئی قیبریس روم رهبرلیگی  آراسیندا، بین الخالق تهلوکه‌سیزلیک قایغیلارینا قارشی "ایکیلی مدافعه امکداشلیق یول خریطه‌سی" آنلاشماسی ایمضالاندیغی بیلدیریلمیشدی.

آمریکا مدافعه ناظیرلیگیندن (پنتاگون) وئریله‌ن شرحه گؤره، آوروپا و دوغو آغ دنیزینین ثابتلیک و تهلوکه‌سیزلیگینین آمریکا ایله گونئی قیبریس روم رهبرلیگی اوچون "حیاتی اهمیت داشیدیغینا" ایشاره ائدیلمیشدی.