بیر تۆرک عسگری شهید اولدو

زیتون بوداغی بؤلگه‌سینده بیر عسگر شهید اولدو.

میللی مدافعه ناظیرلیگی، زیتون بوداغی بؤلگه‌سینده چاووش اونور چاپانین، سلاح قضاسی نتیجه‌سینده شهید اولدوغونو بیلدیردی.

میللی مدافعه ناظیرلیگیندن وئریله‌ن شرحده، بونلار قئید ائدیلدی:

"زیتون بوداغی عملیاتی بؤلگه‌سینده، ۱۱ سپتامبر ۲۰۲۴ تاریخینده، قهر‌مان سلاحداشیمیز چاووش اونور چاپان، میدانا گلن سلاح قضاسی نتیجه‌سینده شهید اولموشدور. بیزلری درین بیر آجی و کدره بوغان بو حادثه‌ده حیاتینی ایتیره‌ن عزیز شهیدیمیزه الله‌دان رحمت، کدرلی عائله‌سینه، تورک سلاحلی قوتلری ایله اصیل میللتیمیزه باش‌ساغلیغی و صبیر دیله‌ییریک".

میللی مدافعه ناظیری یاشار گولر ده یاییملادیغی باش‌ساغلیغی مئساژیندا، "قهرمان شهیدیمیزه شخصیم و میللی مدافعه ناظیرلیگی منسوبلاری آدینا الله‌دان رحمت، کدرلی عائله‌سینه و اصیل میللتیمیزه باش‌ساغلیغی و صبیر دیله‌ییرم" ایفاده‌سیندن ایستیفاده ائتدی.