خاریجی ایشلر ناظیری: ایسرائیل باریشدان یانا اولانلاری بئله هدف آلیر
ایسرائیل عسگرلری طرفیندن اؤلدوروله‌ن تورک-آمریکا وطنداشی عایشه‌نور ازگی ائیگییه توخونان فیدان، غزه‌ده یاشانانلارین وجدان صاحبی هر کسی دریندن اوزدویونو وورغولادی
خاریجی ایشلر ناظیری حاکان فیدان، تورک وطنداشی آکتیویست عایشه‌نور ازگی ائیگینین ایسرائیل عسگرلرین طرفیندن اؤلدورولمه‌سینین، ایسرائیلین باریشدان یانا اولانلاری بئله هدف آلدیغینی گؤستردیگینی سؤیله‌دی.
ناظیر فیدان، عرب بیرلیگی ۱۶۲.جی عادی خاریجی ایشلر ناظیرلری شوراسینین ییغینجاغینا قاتیلماق اوزره گئتدیگی مصرین پایتاختی قاهیره‌دن آیریلمادان اول شرحلر وئردی.
۶ سپتامبردا ایسرائیل عسگرلری طرفیندن اؤلدوروله‌ن تورک-آمریکا وطنداشی عایشه‌نور ازگی ائیگییه توخونان فیدان، غزه‌ده یاشانانلارین وجدان صاحبی هر کسی دریندن اوزدویونو وورغولادی.
ائیگییه الله‌دان رحمت دیله‌یه‌ن فیدان، ائیگینین اؤلدورولمه‌سی ایله باغلی اولاراق، "بو حادثه، ایسرائیلین باریشدان یانا اولانلاری بئله هدف آلدیغینی آچیقجا گؤسترمیشدیر. بو جینایتین طبیعی کی حقوقی باخیمدان دا تعقیبچیسی اولاجاغیق. عایشه‌نور قارداشیمیزین، کدرلی عائله‌سینین آجیلارینی دا پایلاشیرام" ایفاده‌لریندن ایستیفاده ائتدی.
تورک-آمریکا وطنداشی عایشه‌نور ازگی ائیگی، ۶ سپتامبردا ایشغال آلتینداکی اردن چایینین باتی ساحیلینین نابلوس شهرینه باغلی بیته بؤلگه‌سینده تشکیل ائدیله‌ن ایشغال قارشیدی بیر نومایشده ایسرائیل کسکین نیشانچیسی طرفیندن ائدیلن آتیش نتیجه‌سینده باشیندان وورولاراق حیاتینی ایتیرمیشدی.
