تورکیه ایسرائیلی قینادی
"ایسرائیلین خان یونسدا اعلان ائتدیگی سؤزده 'اینسانی بؤلگه‌ده وطنداشلارین قالدیغی چادیرلارا هوجوم ائد‌رک اونلارلا فیلیسطینلینی قتل ائتمه‌سینی لعنتله‌ییریک"
تورکیه، ایسرائیلین خان یونسدا اعلان ائتدیگی سؤزده اینسانی بؤلگه‌ده وطنداشلاری قتل ائتمه‌سینی لعنتله‌دی.
خاریجی ایشلر ناظیرلیگیندن هوجوما باغلی یازیلی شرح وئریلدی.
"ایسرائیلین خان یونسدا اعلان ائتدیگی سؤزده 'اینسانی بؤلگه‌ده وطنداشلارین قالدیغی چادیرلارا هوجوم ائد‌رک اونلارلا فیلیسطینلینی قتل ائتمه‌سینی لعنتله‌ییریک" دئییلدی.
سویقیریمچی نتانیاهو حکومتینین ایشله‌دیگی ساواش جینایتلرینه بیر یئنیسینی علاوه ائتدیگینه دقت چکیلدی.
"بو جینایتلری ایشله‌یه‌نلر بین الخالق حقوق قارشیسیندا موطلق حساب وئره‌جک" ایفاده‌لریندن ایستیفاده ائدیلدی.
شرحده آیریجا، "فیلیسطینلیلرین عدالت و آزادلیق یئریشلرینده یانلاریندا دورماغا داوام ائدجییک" مئساژینا یئر وئریلدی.
ایسرائیل اوردوسونون، غزه‌ده یئریندن ائدیله‌نلرین چادیرلارینا تشکیل ائتدیگی هوجومدا ان آز ۴۰ آدام حیاتینی ایتیرمیشدی.
شاهیدلردن آلینان معلوماتا گؤره، ایسرائیل ساواش طیاره‌لری خان یونوسون غربینده "اعتبارلی اولدوغو" ادعا ائدیله‌ن المواصی بؤلگه‌سینده یئریندن ائدیله‌نلرین چادیرلارینا ۳ موشک هوجومو تشکیل ائدیلمیشدی.
ایلگیلی‌لی خبرلر
تورکیه وطنداشلاری دنیز یولو ایله لبنان‌دان چیخاریلدی
تورکیه دنیز یولو ایله حیاتا گئچیریلن ان بؤیوک تخلیه عملیاتینی اوغورلا باشا ووردو
