ایزمیرین دوشمن ایشغالیندان آزاد ائدیلمه‌سینین ۱۰۲-جی ایل‌دؤنومو

ایزمیرین دوشمن ایشغالیندان آزاد ائدیلمه‌سینین ۱۰۲-جی ایل‌دؤنومو مراسیملرله قید اولونور.

تورکیه اوردوسونون ۱۰۲ ایل اول ایزمیره گیررکن ایستیفاده ائتدیگی مسیرده «ظفر مارشی» گئچیریلیب.

تورکیه بایراغی و آتاتورک پوستئری ایله گئدن وطنداشلار جومهوریت میدانینا گلیبلر.

بورادا ایزمیر والیسی سولیمان ائلبان، اژه اوردوسو و قارنیزون قوماندیری ژنئرال عرفان اؤزسئرت، بؤیوکشهر بلدیه باشچیسی جمیل توقای، آتاتورک آنیتی اؤنونه چیچک قویدولار. بیر دقیقه‌لیک سوکوتلا یاد ائدیلیب، دؤلت مارشی اوخونوب.

بوراداکی مراسیمدن سونرا سوواری بیرلیکلرینین ایزمیره گیریشی والیلیک کؤشکو قارشیسیندا یئنیدن قورولدو.

آتاتورک میدانینا گلن بیرلیک، وطنداشلاردان بؤیوک آلقیش آلدی. عسگر بیر دقیقه‌لیک سوکوتدان سونرا حؤکومت ائوینه گئده‌رک تورکیه بایراغینی قالدیریب.

جمهوریت میدانیندا داوام ائدن تدبیرده بیر دقیقه‌لیک سوکوتلا یاد ائدیلیب، داها سونرا دؤلت مارشی اوخونوب و خالق رقصلری نوماییش اولونوب.

بایرام تدبیرلری گون عرضینده موختلیف تدبیرلرله داوام ائده‌جک.

۹ سپتامبر ۱۹۲۲-جی ایلده دوشمنه سون ضربه‌نین وورولدوغو و بؤیوک هوجومون غلبه ایله باشا چاتدیغی یئر ایزمیر ایدی.

ایزمیرین آزاد ائدیلمه‌سی لوزان باریش موقاویله‌سینه آپاران تام موستقیللیه یول آچماقلا یاناشی، آنادولونون قورتولوش سمبولونا چئوریلدی.