بایراکتار: تورکیه‌نین ان کیفیتلی نفتینی قاباردا حاصیل ائتمه‌یه باشلادیق

انئرژی و طبیعی قایناقلار ناظیری آلپ‌ارسلان بایراکتار تورکیه‌نین ان کیفیتلی نفتینی شیرناق قاباردا یوکسک سورعتله، ائکولوژی جهتدن تمیز شکیلده حاصیل ائتمه‌یه باشلادیقلارینی سؤیله‌دی.

آلپ‌ارسلان بایراکتار، باشکند آنکارادا گئچیریلن مراسیمده‌کی چیخیشیندا، برپا اولونان انئرژینین ایستیفاده‌یه وئریلمه‌سی ایله یاناشی، ایقتیصادا نفت و طبیعی گاز کیمی دیگر داخیلی قایناقلارین دا علاوه ائدیلمه‌سینین ضروری اولدوغونو بیلدیریب.

بایراکتار، "ائکولوژی جهتدن تمیز بیر شکیلده تورکیه‌نین ان کیفیتلی نفتینی قاباردا حاصیل ائتمه‌یه باشلادیق. گونده تخمینا ۴۷ مین بشکه نفت حاصیل ائدیریک. بوندان علاوه‌، قارا دنیزده، ساکاریا طبیعی گاز ساحه‌سینده بو، تخمینا ۲،۶ میلیون ائو اوچون کیفایت قدر اولاجاق" دئدی.

بایراکتار، زونگولداک‌دا دنیزین ۱۷۰ کیلومئترلی‌یینده طبیعی گاز تدقیقاتلاری آپاردیقلارینی ایفاده ائده‌رک، هدفلرینین "انئرژی ساحه‌سینده تام موستقیل تورکیه‌" اولدوغونو بیلدیریب.

بایراکتار انئرژیده داخیلی قایناقلارین ایستیفاده‌سی ایله خاریجه باغیملیلیغین آزالاجاغینی وورغولاییب.