اردوغان‌دان عایشه‌نور ازگی ایگی‌‌نین اؤلدورولمه‌سینی قینادی

جمهور باشقانی رجب طیب اردوغان ایسرائیل‌ین اردن چایینین باتی ساحیلیندکی ایشغالا قارشی وطنداش اعتیراضینا «باربار موداخیله‌سینی» پیسلدیگینی بیلدیریب.

پرئزیدئنت اردوغان سوسیال مئدیا حئسابیندا ائتدیگی پایلاشیمدا، "اردن چایینین باتی ساحیلینده ایشغالا قارشی اعتیراضا ایسرائیل‌ین وحشیجه‌سینه موداخیله‌سینی قیناییر، فاجیعه‌ده حیاتینی ایتیرن وطنداشیمیز عایشه‌نور ازگی ایگی‌‌یه الله‌دان رحمت دیله‌ییرم" دئدی.

اردوغان پایلاشیمیندا بونلاری قید ائدیب: "تورکیه اولاراق، ایسرائیل‌ین بیر ایله یاخیندیر داوام ائتدیردیگی، آرالاریندا اوشاق، قوجا دا داخیل اولماقلا ۴۱ مین اینسانی قتله یئتیردیگی بو ایشغال و سوی‌قیریم سیاستینه سون قویماق اوچون هر پلاتفورمدا چابا گؤسترمه‌یه داوام ائدجه‌ییق. ایسرائیل‌ تؤرتدیگی بشریته قارشی جینایتلره گؤره قانون قارشیسیندا جاواب وئرمه‌لیدیر".

آمئریکا وطنداشلیغی دا اولان عایشه‌نور ازگی ایگی‌‌ آدلی تورکیه‌لی فعال اردن چایینین باتی ساحیلینده ایشغالا قارشی اعتراض زامانی، ایسرائیل عسگرلرینین باشیندان وورولماسی نتیجه‌سینده اؤلوب.