اردوغان: ایسرائیل‌ین دؤلت تئرورونا قارشی دورماق تورکیه اوچون میللی مسئله‌دیر
جمهور باشقانی رجب طیب اردوغان: ایسرائیل دونن جاوان ائولادلاریمیزدان عایشه‌نور ائزگی ائیگی‌نی وحشیجسینه قتله یئتیردی
جمهور باشقانی رجب طیب اردوغان ایسرائیل‌ین دؤلت تئرورونا قارشی دورماغین تورکیه اوچون میللی مسئله اولدوغونو دئییب.
کوجاائلی‌ده گئچیریلن ۲۱-جی امام خطیب کنقره‌سینده چیخیش ائدن پرئزیدئنت اردوغان ایشغال آلتینداکی اردن چایینین باتی ساحیلینین نابلوس شهرینده دونن گئچیریلن دینج نوماییشلره قاتیلان و ایسرائیل عسگرلرینین آچدیغی آتیش نتیجه‌سینده باشیندان یارالانان تورک فعال عایشه‌نور ائزگی ائیگی‌یه توخونوب.
فیلیسطین‌لیلرین رام‌الله و غزه‌ده دار تورپاق پارچالارینا سیخیشدیریلدیغینی بیلدیرن اردوغان، ایسرائیل‌ین هم اردن چایینین باتی ساحیلینده، هم‌ده غزه‌ده سوی‌قیریم تؤرتمه‌یی و اونلاری ایشغال ائتمه‌یی هدفله‌دیگینی آچیقلاییب.
اردوغان، "(ایسرائیل) دونن جاوان ائولادلاریمیزدان عایشه‌نور ائزگی ائیگی‌نی وحشیجسینه قتله یئتیردی. بو گونه قدر ۱۷ مین اوشاق و ۴۰ مین گوناهسیز وطنداشی قتله یئتیردیلر. ایسرائیل غزه‌ده دایانمایاجاق. رام‌الله-ی ایشغال ائتدیکدن سونرا گؤزونو یولا دیکه‌جک. نؤبه بؤلگه‌دکی دیگر اؤلکه‌لریندیر. گلیب گؤزلرینی دجله ایله فرات آراسینداکی وطنیمیزه دیکه‌جکلر. بونو قارشیلارینا چکدیکلری هر خریطه ایله آچیق دئییرلر. اونا گؤره‌ده دئییریک کی، حماس موسلمانلار آدینا موقاویمت گؤستریر. بو، بیزیم ایسلامی، دینی بورجوموزدور. ایسلام اؤلکه‌لری تئز بیر زاماندا آییلسینلار و امکداشلیقلارینی آرتیرسینلار" دئدی.
تورکیه-میصر موناسیبتلرینه ده توخونان اردوغان دئییب: "میصرله باشلادیغیمیز یئنی پروسه‌س غزه و فیلیسطین‌ین خیرینه اولاجاق. بوندان سونرا تورکیه‌نین خاریجی سیاستده مانور ایمکانلارینی گئنیشلندیره‌رک هر آددیمی قطعیتله آتاجاغیق".
ایلگیلی‌لی خبرلر
"تۆرکیه اولاراق بۆتون ایمکانلاریمیزلا غزه‌لی قارداشلاریمیزین یانیندا اولماغا داوام ائده‌جَییک"
اردوغان: سون ۳۶۴ گۆنده ۵۰ مینه یاخین گۆناهسیز اینسانین بۆتون دۆنیانین گؤزو قارشیسیندا اؤلدورولدو
اردوغان سائوتومه و پرنسیپ جمهوریتی‌نین باش ناظیری ایله گؤروشدو
ایستانبول‌دا دولماباغچه دفتریندکی بو گؤروش، مطبوعاتا قاپالی گئچیریلیب
