میللی مدافعه ناظیری کوماندو اوخولوندا دانیشدی
"یئرلی و میللی مدافعه صنایعینه صاحب اولماق و تورک سلاحلی قوتلریمیزی ان یاخشی سلاح سیستملر ایله تجهیز ائتمک، اؤلکهمیزین بقاسی باخیمیندان وازگئچیلمز بیر ضرورت حالینا گلمیشدیر"
میللی مدافعه ناظیری یاشار گولر، گوجلو بیر تورکیه اوچون شؤوق و غیرتله ایشلری داوام ائتدیردیکلرینی بیلدیردی.
ایسپارتادا اییردیر داغ، کوماندو اوخولو و تعلیم مرکزی قوموتانلیغینداکی تعلیم ایلی آچیلیش مراسیمینده دانیشان یاشار گولر، قورو قوهلرینین، حدودلاری بؤیوک بیر سعی و عزمله قورویارکهن، تهدیدلری قایناغیندا ضررسیز حالا گتیرمه استراتژیسی ایله، یورد ایچی و سرحد اؤتهسینده ایجرا ائتدیگی تأثیرلی عملیاتلارلا دا ترورلا موباریزهده بؤیوک موفقیتلر الده ائتدیگینی وورغولادی.
تروریستلره گؤز آچدیرمایان قهرمان تورک عسگرینین عراقین شیمالیندا پنجه-کیلید عملیاتیندا، سوریه عملیات ساحهسینده، بنزرسیز بیر قهرمانلیق نومونهسی سرگیلهیهرک تروریستلرین قورخوسو حالینا گلدیگینی کؤچورهن گولر، بو موفقیتلرده کوماندولارین دا مستثنی بیر قاتقیسی اولدوغونو ایفاده ائتدی.
دانیشماسیندا "مدافعه صنایعی" وورغوسو ائدن گولر،
"یئرلی و میللی مدافعه صنایعینه صاحب اولماق و تورک سلاحلی قوتلریمیزی ان یاخشی سلاح سیستملری ایله تجهیز ائتمک، اؤلکهمیزین بقاسی باخیمیندان وازگئچیلمز بیر ضرورت حالینا گلمیشدیر. بو سببله حرب سلاح، واسطه و تجهیزاتداکی تکنولوژی یئنیلیکلری واخت ایتیرمهدن سیزلرین ایستیفادهسینه تقدیم ائدیر، قهرمان اوردوموزون ایمکان و قابیلیتلرینی داواملی اینکیشاف ائتدیریریک" دئدی.
میللی مدافعه ناظیری، داها بؤیوک، داها گوجلو بیر تورکیه و تورک سلاحلی قوتلری اوچون شؤوق و غیرتله ایشلری داوام ائتدیردیکلرینی وورغولادی.
ایلگیلیلی خبرلر
تورکیه-سوئد تهلوکهسیزلیک مکانیزمی ایجلاسی آنکارادا کئچیریلهجک
تورکیه ایله سوئد آراسیندا "تهلوکهسیزلیک مکانیزمی" گؤروشو صاباح پایتاخت آنکارادا کئچیریلهجک.
