کورتولموش مالازگرد ظفرینین ۹۵۳-جو ایل‌دؤنومونو تبریک ائتدی
بو ساواشدان سونرا آنادولو تورکلرین وطنینه چئوریلدی
تورکیه بؤیوک میللت مجلیسی‌نین باشقانی کورتولموش مالازگرد ظفرینین ۹۵۳-جو ایل‌دؤنومونو تبریک ائتدی.
کورتولموش مالازگرد ظفرینین ۹۵۳-جو ایل‌دؤنومو موناسیبتی ایله سوسیال شبکه‌ده مئساژ پایلاشیب.
تورکیه بؤیوک میللت مجلیسی‌نین باشقانی مئساژیندا، "تاریخیمیزین غرور وئریجی صحیفه‌لریندن بیری اولان مالازگرد ظفرینین ۹۵۳-جو ایل‌دؤنومو موبارک. سئوگیلی خالقیمیز عدالت، آزادلیق و باریش شوعاری ایله ایرله‌مه‌یه داوام ائدیر. آنادولونو وطنینه چئویرن اجدادلاریمیزدان آلدیغی ایلهامی بیلیریک کی، بو یولدا مؤحکم آددیملارلا گئدیریک، بیرلیگیمیز و قارداشلیغیمیز بیزیم ان بؤیوک گوجوموزدور. بو موبارک گونده موحاریبه زامانی و موحاریبه‌دن سونراکی شرف و فضیلتی تاریخه قیزیل حرفلرله یازدیران بؤیوک سرکرده سلطان آلپ‌ارسلان خانی و موحاریبه زامانی شهید اولان قهرمانلاریمیزی بیر داها رحمتله آنیرام" دئدی.
تورک تاریخینده اؤنملی یئری اولان مالازگرد ساواشی ۲۶ آقوست ۱۰۷۱-جی ایلده بوگونکو بیتلیس‌ین آهلات ماحاللاری ایله موش‌ون مالازگرد بؤلگه‌لرینده سلجوقلولارلا بیزانسلی‌لار آراسیندا آپاریلمیشدیر.
بو ساواش بیزانس ایمپئراتورلوغونو داغیلما پروسه‌سینه گتیردیگی حالدا، آنادولونون قاپیسینی دا سلجوقلولارین اوزونه آچدی.
بو ساواشدان سونرا آنادولو تورکلرین وطنینه چئوریلدی.
