ایسرائیل ناظیری‌نین، اردوغان و هنیه‌نین اوغوللاری‌نی هدف آلان سوسیال مئدیا پایلاشیمی، بیر بؤهتاندیر
ایسرائیل خاریجی ایشلر ناظیری، سون پایلاشیمیندا جمهورباشقانی اردوغان و سوءقصده اوغرایان ایسماعیل هنیه‌نین اوغوللاری آراسیندا اختیلاف یاشاندیغینی ادعا ائدیب
تورکیه، ایسرائیل خاریجی ایشلر ناظیری یسرائیل کاتس‌ین جمهورباشقانی رجب طیب اردوغانی هدف آلان پایلاشیمینا تپکی وئردی.
خاریجی ایشلر ناظیرلیگی، سوسیال مئدیا پلتفورمو اکس‌ده‌کی حسابیندا بئله یازدی: "ایسرائیل خاریجی ایشلر ناظیری کاتس‌ین جمهورباشقانی اردوغان و ایرانین پایتاختی تهراندا سوءقصده اوغرایان حماس سیاسی دفتری باشقانی ایسماعیل هنیه‌نین اوغوللاری عبدالسلام و همام هنیه‌نی هدف آلان سوسیال مئدیا پایلاشیمی، دیس‌اینفورمیشین مقصدلی بیر بؤهتاندیر. دقتلری غزه‌ده یاشانان سوی‌قیریمدان اوزاقلاشدیرماغی مقصدلی بو یالانلار، فیلیسطین خالقینا اولان دستگیمیزه مانع اولمایاجاک" ایفاده‌سیندن ایستیفاده ائتدی.
سوسیال مئدیا پایلاشیملاری ایله تئز تئز جمهورباشقانی اردوغانی هدف آلان ایسرائیل خاریجی ایشلر ناظیری، سون پایلاشیمیندا جمهورباشقانی اردوغان و سوءقصده اوغرایان ایسماعیل هنیه‌نین اوغوللاری آراسیندا اختیلاف یاشاندیغینی ادعا ائدیب.
ایلگیلی‌لی خبرلر
اردوغان پوتین ایله تیلفون‌دا دانیشیب
تیلفون دانیشیغیندا تورکیه-روسیه ایکی‌طرف‌لی علاقه‌لری، بؤلگه و دونیا قونولاری موذاکیره ائدیلیب
