اردوغاندان گوترشه جاواب
جمهورباشقانی اردوغان، سوسیال مئدیا حسابیندان، بیرلشمیش میللتلر باش کاتیبی آنتونیو گوترشین آفریقا پایلاشیمینی جاوابلادی
جمهورباشقانی رجب طیب اردوغان، بیرلشمیش میللتلر تهلوکه‌سیزلیک شوراسینین قورولوشونون کؤکدن دییشدیریلمه‌سی لازیم اولدوغونو بیلدیردی.
جمهورباشقانی اردوغان، سوسیال مئدیا حسابیندان، بیرلشمیش میللتلر باش کاتیبی آنتونیو گوترشین آفریقا پایلاشیمینی جاوابلادی.
اردوغان پایلاشیمیندا، "حؤرمتلی باش کاتیب، بیرلشمیش میللتلر تهلوکه‌سیزلیک شوراسینین گونوموز شرطلری ایله اویغون و عدالتلی بیر شکیلده بیر اصلاحاتا تابع توتولماسی حاقینداکی فیکیرلرینیزی صمیمیتله و یوکسک سسله ایفاده ائتمه‌نیز، دونیانین یئنیدن عدالتلی بیر سیستمه صاحب اولماسی باخیمیندان اولدوقجا قیمتلیدیر" دگرلندیرمه‌سینی وئردی.
آفریقا قاره‌سینین و بوتون آفریقالیلارین دا بو عدالتلی سیستمه قاتقی وئره‌بیلمه‌سینه مطلق فرصت وئریلمه‌سی لازیم اولدوغونو ایفاده ائد‌ن اردوغان، بونلاری قئید ائتدی:
"دونیامیزدا ساواشلار اطرافیمیزی داها چوخ سارمادان، داها چوخ اینسان و توپلوم آجی چکمه‌دن، داها چوخ گناهسیز قانی تؤکولمه‌دن، گلوبال باریش و تهلوکه‌سیزلیگی تامین ائتمه وظیفه‌سینی یئرینه یئتیرمکدن اوزاق اولان بیرلشمیش میللتلر تهلوکه‌سیزلیک شوراسینین قورولوشونون کؤکدن دییشدیریلمه‌سی لازیمدیر. اینسانلیغین بیزدن گؤزلنتیسی بودور. بیز، بو گؤزلنتیلرین بیر قارشیلیغی اولاراق 'دونیا ۵د‌ن بؤیوکدور' دئمه‌یی، 'داها عدالتلی بیر دونیا مومکون' آنلاییشییلا حرکت ائتمه‌یی داوام ائتدیرجییک. تورکیه اولاراق، عدالتلی بیر بین الخالق سیستم و گونوموز شرطلرینه اویغون بیر بیرلشمیش میللتلر تهلوکه‌سیزلیک شوراسینین میدانا گلمه‌سی اوچون صمیمیتله چابالایان بوتون دوستلاریمیزین یانیندا اولماغا داوام ائدجییک".
گوترشین آچیقلاماسی
بیرلشمیش میللتلر تهلوکه‌سیزلیک شوراسی ایجلاسیندا دانیشان گوترش، آفریقانین شوراداکی تمثیلی ایله باغلی آچیقلامالار وئرمیش، شورادا آفریقانین تمثیل ائدیلدیگی بیر اصلاحاتا عاجیل احتیاج دویولدوغونو وورغولامیشدی.
