تورکیهنین یونانیستانا گؤندردیگی هاوا واسطهلری ایشه باشلادی
""طیارهلرین قویروقلاریندا تورک بایراغی وار. من یونانیستاندا، بیر آوروپا اؤلکهسینده بو آندا اؤلکهمین بایراغینی دالغالاندیریرام"
تورکیهنین یانغینلا موباریزه ائدن یونانیستانا دستک مقصدی ایله گؤندردیگی هاوا واسطهلری، آلوولارا مداخیله ائتمهیه باشلادی.
یونانیستانا گؤندریلهن قروپدا اولان کاپیتان پیلوت آلپاَر گیدر، ایکی آت-۸۰۲ف فیرئبوس آمفیبیک طیاره و بیر ت-۷۰ هلیکوپترین دونن سحر آتن ائلفتئریوس وئنیزئلوس بین الخالق هاوالیمانیندان وظیفه یئرلری اولان تاتوی عسگری هاوا آلانینا گئچدیگینی سؤیلهدی.
گیدر، اینتیقالینی تاماملایان هاوا واسطهلرینین لازیم اولان مختصات ایشلری و بیلگیلندیرمهلر تاماملاندیقدان سونرا وظیفهیه باشلادیغینی ایفاده ائتدی.
طیارهلرین تورک میللتینین اؤز قایناقلارییلا تداروک ائدیلدیگینی وورغولایان گیدر، "طیارهلرین قویروقلاریندا تورک بایراغی وار. من یونانیستاندا، بیر آوروپا اؤلکهسینده بو آندا اؤلکهمین بایراغینی دالغالاندیریرام. بو منیم اوچون چوخ اهمیتلیدیر" دئدی.
