تورکیه‌دن ایسرائیله مسجد اقصی‌ تپکیسی

تورکیه، آرالاریندا ناظیرلرین ده اولدوغو یوزلرله رادیکال ایسرائیللی طرفیندن مسجد اقصی‌یا باسقین تشکیل ائدیلمه‌سینین گرگینلیگی داها دا آرتیراجاق بیر تحریک اولدوغونو بیلدیردی.

خاریجی ایشلر ناظیرلیگی، بو مؤوضوع ایله باغلی یازیلی آچیقلاما وئردی.

آچیقلاما‌دا، "آرالاریندا ناظیرلرین ده اولدوغو یوزلرله رادیکال ایسرائیللی طرفیندن مسجد اقصی‌یا پلیس قوروماسی آلتیندا باسقین تشکیل ائدیلمه‌سی، قدسون تاریخی ایستاتوسونو پوزان و بؤلگه‌میزده‌کی گرگینلیگی داها دا آرتیراجاق بیر تحریک حرکتیدیر" دگر‌ندیرمه‌سی وئررک،

"بو تحریک ائدیجی حرکت، ایسرائیل طرفینین باریشا چاتماق نیتینده اولمادیغینی بیر دفعه داها گؤزلر اؤنونه سرمیشدیر" ایفاده‌سی یئر آلان آچیقلاما‌دا، "ایسرائیل حکومتینین غزه‌ده داوام ائتدیردیگی دهشتین دایاندیریلماسی و بوتون بؤلگه‌میزین ثابیتلیگینی هدف آلان بو تیپ حرکتلرین اؤنله‌نمه‌سی اوچون بین‌الخالق جمعیت تئزلیکله حرکته گئچمه‌لیدیر" چاغیریشی ائدیلدی.

فیلیسطین تورپاقلارینی غصب ائدن ایسرائیللیلر، دونن سحر ساعاتلاریندان اعتباراً بؤیوک قروپلار حالیندا، ایسرائیل پلیسینین قوروماسی آلتیندا، مسجدی اقصی‌یا باسقین تشکیل ائتمیشدی.