محمود عباس آوقوستون 14-15-ده تورکیهیه سفر ائدهجک
فیلیسطین پرزیدنتی محمود عباس آوقوستون 14-15-ده تورکیهیه سفر ائدهجک.
جمهور باشقانی رجب طیب اردوغان 5 آیلیق فاصیلهدن سونرا عباس ایله پایتاخت آنکاراداکی جمهور باشقانلیغی ساراییندا گؤروشهجک.
اردوغان-عباس گؤروشونده، ایسراییلین غزه زولاغیندا تؤرتدیگی قیرغینلار، بؤلگهدهکی اینسانی بحران و آتیشکس یول لاری گوندمده اولاجاق، بؤلگهده آرتان گرگینلیک، خصوصیله ده ایران-ایسراییل گرگینلیگی موذاکیره اولوناجاق.
محمود عباس آوقوستون 15-ده تورکیه بؤیوک میللت مجلیسینده چیخیش ائدهجک.
عباسین تورکیه بویوک مجلیسینده چیخیشی جولایین 31-ده حماس لیدئری اسماعیل هنیهنین اؤلدورولمهسیندن سونرا تورکیهنین فیلیسطینه دستکینی بیر داها ان گوجلو شکیلده بیان ائتمهسی دئمکدیر.
ایسراییلین قیرغینلارینا سرت رئاکسیا وئرن تورکیه بویوک میللت مجلیسی داها اول فیلیسطینه دستک وئردیگینی آچیقلامیشدی و تورکیه بویوک میللت مجلیسی ریاست هئیتینین بو مسئله ایله باغلی تکلیفی قبول ائدیلمیشدی.
