ابراهیم یوماکلی قازاخیستانلی همکاری ایله گوروشوب
اکینچیلیک و مئشه ناظیری ابراهیم یوماکلی پایتاخت آنکارادا قازاخیستانین اکینچیلیک ناظیری آیدربیک ساپاروو و اونا ائشلیک ائدن نوماینده هئیتی ایله ناظیرلیکده گؤروشوب.
تورکیهنین اکینچیلیک سیغورتاسی تجروبهسی تورک دؤولتلرینه اؤتورولهجک.
اکینچیلیک و مئشه ناظیری ابراهیم یوماکلی پایتاخت آنکارادا قازاخیستانین اکینچیلیک ناظیری آیدربیک ساپاروو و اونا ائشلیک ائدن نوماینده هئیتی ایله ناظیرلیکده گؤروشوب.
گؤروشدن سونرا تورکیه ایله قازاخیستان آراسیندا اکینچیلیک ساحهسینده 4 امکداشلیق موقاویلهسی ایمضالانیب.
ایمضالانما مراسیمیندن سونرا تشکیل ائدیلن بیرگه مطبوعات کنفرانسیندا دانیشان یوماکلی، " اکینچیلیک تیجارتیمیز کئچن ایل 300 میلیون دولار اولدو و بیز پتانسیلیمیزین چوخ آلتیندا اولان بو رقمی آرتیرماق ایستییریک" ایفاده لریندن ایستیفاده ائدیب.
سون زامانلار تورک دؤولتلری تشکیلاتی اؤلکهلرینده اکینچیلیک سیغورتاسی سیستمینین قورولماسی اوچون چالیشدیقلارینی ایفاده ائدن یوماکلی، " اکینچیلیک سیغورتاسی ایله باغلی سون مقصدیمیز تورک دؤولتلری تشکیلاتی اکینچیلیک سیغورتاسی بیرلیگینین یارادیلماسیدیر. بو و بونا بنزر امکداشلیقلار بو بیرلیگین قورولماسینین اونونو آچمیش اولاجاقدیر، دئییب.
ساپاروو ایکی اؤلکه آراسیندا اکینچیلیک تیجارتینین حجمینی ایکی دفعه آرتیرا بیلهجکلرینی ده بیلدیریب.
