تورکیه مجلیسی‌نین صدری قاراداغ‌ین خاریجی ایشلر ناظیرینی قبول ائدیب

تورکیه بؤیوک میللت مجلیسی‌نین صدری نومان کورتولموش قاراداغ‌ین باش ناظیرینین معاوینی و خاریجی ایشلر ناظیری "ائروین ابراهیم‌اویچ"ی قبول ائدیب.

گؤروشده ایکی طرف‌لی و پارلمان لار آراسی علاقه‌لر، بولگه‌سل و گلوبال مسئله‌لر موذاکیره ائدیلیب.

تورکیه بؤیوک میللت مجلیسی‌نین صدری کورتولموش ایکی دوست اؤلکه آراسیندا هر ساحه‌ده یاخشی علاقه‌لرین اولدوغونو و بو علاقه‌لری داها دا ایره‌لی آپارماق ایسته‌دیک‌لرینی بیلدیریب.

تورکیه‌نین بالکان‌لاردا اساس اولویتی‌نین باریش، ثابت‌لیک و رفاهی قوروماق اولدوغونا دقت چکن کورتولموش، "بؤلگه‌میزده باریش و ثابیتلیگین قورونماسی اوچون قاراداغ باشدا اولماقلا بوتون بالکان اؤلکه‌لری ایله بیرلیکده چالیشمایا داوام ائدجگیک" ایفاده لرینی ایشلتدی.

قاراداغ‌ین باش ناظیرینین معاوینی و خاریجی ایشلر ناظیری ابراهیم‌اویچ ده تورکیه ایله قاراداغ آراسیندا یاخشی علاقه‌لرین داوام ائتمه‌سینی و محکملنمه‌سینی آرزولادیق‌لارینی قئید ائدیب.