بیرلشمیش میلتلر تشکیلاتی‌، تئرور تشکیلاتی داعش‌ گونده‌می ایله توپلاندی

بیرلشمیش میلتلر تشکیلاتی‌نین تهلوکه‌سیزلیک شوراسی، تئرور تشکیلاتی داعش‌ گونده‌می ایله توپلاندی.

شورادا بیلدیریلیب کی، تشکیلات سون ایللرده حیاتا گئچیریلن عملیاتلارا باخمایاراق، حاکیمیتی توپارلاماغا چالیشیر.

خوصوصیله روسیه‌ده کونسئرت باسقینی و ایران‌‌دا اینقیلاب کئشیکچیلری قودس قووه‌لرینین قوماندانی قاسم سلیمانی‌نین آنیم پروقرامینا ائدیلن قانلی هوجوملارین تئرور تشکیلاتی‌نین سون دؤورلرین ان اؤنملی حرکتلری اولدوغو قید ائدیلیب.

توپلانتیدا تئرور تشکیلاتی‌نین آفریقاداکی فعالیتینین یاراتدیغی تهلوکه موذاکیره اولونوب.

بیرلشمیش میلتلر تشکیلاتی‌ آفریقانین بؤیوک بیر حیصّه‌سینین داعش‌ و علاقه‌لی تئرور تشکیلاتلارینین نظارتینه گئچه‌بیلجه‌یینی وورغولاییب.

بیرلشمیش میلتلر تشکیلاتی‌نین کاتیبی‌نین تئرورلا موباریزه اوزره مشاویری ولادیمیر وورونکوو، شورایا وئردیگی مونتظم گزارش‌ده دئییب کی، داعش‌ باتی آفریقا و ساحئل‌ده "فعالیت ساحه‌لرینی گئنیشلندیریر و مؤحکملندیریر".

وورونکوو، تأثیرلرینین داوام ائدجه‌یی تقدیرده‌، "مالی‌دن نیجریه‌نین قوزئیینه قدر اوزانان گئنیش بیر بؤلگه‌نین تئرور تشکیلاتینین الینه گئچه‌بیله‌جه‌یینی" ایفاده ائتدی.