تورکیه‌نین تیجارت ناظیری عمر بولات پاکیستاندا سفرده‌دیر

پاکیستاندا سفرده اولان تورکیه‌نین تیجارت ناظیری عمر بولات بو اؤلکه‌نین مالیه ناظیری محمد اورنگ زیب ایله گؤروشوب.

گؤروشده ایکی اؤلکه آراسینداکی اقتصادی علاقه‌لر و یاتیریم ایمکان‌لاری قیمتلندیریلیب.

رسمی اینترنت صحیفه‌سینده پای‌لاشیم ائدن عمر بولات گؤروشون تفرروات‌لاری حاقیندا معلومات وئریب.

عمر بولات بیلدیریب کی، گؤروش زامانی ایکی اؤلکه آراسینداکی اقتصادی علاقه‌لر، ایخراجاتچی شیرکت‌لر اوچون اهمیت کسب ائدن مسئله‌لر و امکداش‌لیق ایمکان‌لاری قیمتلندیریلیب.

اؤتن ایل تورکیه ایله پاکیستان آراسیندا تیجارت حجمی‌نین 1 میلیارد دو‌لاری، یاتیریم لارین ایسه 2 میلیارد دو‌لاری کئچدیگینی خاطیرلا‌دان عمر بولات دئییب: "پاکیستانلا تیجارت حجمیمیزی 5 میلیارد دو‌لارا چاتدیرماغی هدفلییریک".

تیجارت ناظیری عمر بولات ایکی اؤلکه آراسیندا امکداش‌لیق ساحه‌لری‌نین شاخلندیریلمه‌سی ایستیقامتینده سعی‌لرین داوام ائتدیریله‌جگینی وورغولاییب.