اردوغان قطر امیری ایله اورتادوغوداکی وضعیتی موذاکیره ائدیب

جمهور باشقانی رجب طیب اردوغان پایتاخت آنکارادا قطر امیری شیخ تمیم بن حامد آل ثانی ایله گؤروشوب.

جمهور باشقانی رجب طیب اردوغان قطر امیری شیخ تمیم بن حامد آل ثانینی جمهور باشقانلیغی ساراییندا قبول ائدیب.

لیدئرلرین گؤروشونون اساس گوندمی اورتادوغوداکی حادثه‌لر اولوب. ایشغالچی ایسراییلین فیلیسطین و لوبنانا  هوجوم‌لاری و تهران - تل آویو خطینده آرتان گرگین‌لیک موذاکیره اولونوب.

سوی قیریم تؤره‌دن نتانیاهو حکومتینی آتیشکسه مجبور ائتمک و فیلیسطین‌لیلره اینسانی یاردیم چات‌دیرماق اوچون آتیلا‌جاق بیرگه آددیم‌لار موذاکیره اولونوب.

اردوغان- آل ثانی گؤروشونده تورکیه ایله قطر آراسینداکی یوکسک سویه‌لی علاقه‌لر ده موذاکیره اولوب.

اؤتن ایل 3/1 میلیارد دو‌لار اولان ایکی طرف‌لی تیجارت حجمی‌نین داها دا آرتیریلماسی و قارشی‌لیق‌لی سرمایه لرین  آرتیریلماسی ایستیقامتینده فیکیر موبادیله‌سی آپاریلیب.