روس موغنی میت پرسنلینه حیران قالدی

دونیانین دانیشدیغی موبادیله‌ده یئر آلان روس موغنی، میللی استخبارات تشکیلاتی (میت) پرسنلینه حیران قالدی.

تورکیه میللی استخبارات تشکیلاتی (میت)، آمریکا بیرلشمیش دؤولتلری، آلمان، لهستان، اسلوونی، نروژ، روسیه و بلاروس حبس‌خانالاریندا اولان ۲۶ نفرین قارشیلیقلی دییشمه‌سینی احتیوا ائد‌ن سون دؤورون ان گئنیش موبادیله عملیاتینا ایمضا آتدی.

عملیات داخیلینده ایکیسی اوشاق ۱۰ نفرین روسیه‌یه، ۱۳ نفرین آلمانا، ۳ نفرین ده آمریکایا انتقالی تامین ائدیلدی.

عملیاتدا دگیشدیریله‌نلر آراسیندا روسیه طرفیندن سربست بوراخیلان ساواش قارشیدی روس صنعتچی "ساشا سکاچیلنکو" دا یئر آلیردی.

موبادیله آنینی ایضاح ائد‌ن سکاچیلنکو، بو مدتین اؤزلری آدینا چوخ سرعتلی اینکیشاف ائتدیگینی سؤیله‌دی.

اؤزلرینه سون آنا قدر هئچ بیر آچیقلاما ائدیلمه‌دییگنی و حبس خانادان چیخاریلیب بیر اتوبوسا میندیریلدیکلرینده اعدام ائدیله‌جکلریندن قورخدوغونو ایفاده ائتدی.

سکاچیلنکو، محبوسلاری داشییان اوچاق پایتاخت آنکارایا ائندیگینده اؤزلرینی قارشیلایان میت وظیفه‌لیلرینین چوخ "هاوالی" اولدوغونو ایفاده ائتدی.

روس صنعتچی، تورک استخبارات پرسنلینین چوخ جدی اولدوغونو ایفاده ائد‌رک، "تورک سریاللارینداکی کاراکترلر کیمی ایدیلر" دئدی.

سکاچیلنکو، میت پرسنلینین، قولاقلیقلاری و هاوالی دوروشویلا روس استخبارات پرسنلیندن داها فرق‌لی اولدوغونا دقت چکدی.

روس صنعتچی "میت پرسنلینین هامیسی چوخ شیک ایدی، حقیقتاً تأثیر ائدیجی بیر آن ایدی" دئدی.