عراقین قوزئیینده ۸ تئرورچو ضررسیزلشدیریلیب

عراقین قوزئیینده بؤلوجو تئرور تشکیلاتی پ‌کاکا-یا عائید ۸ تئرورچو ضررسیزلشدیریلیب.

تئرورلا موباریزه هم اؤلکه ایچینده، هم‌ده سرحددن کناردا کسینتیسیز اولاراق داوام ائدیر.

میللی مودافیعه ناظیرلی‌گی عراقین قوزئییندکی ۸ تئرورچونون ضررسیزلشدیریلدیگینی آچیقلاییب.

ناظیرلی‌گین سوسیال مئدیا حئسابیندا پایلاشیلان یازیدا "بیز گوجلو و قرارلی‌ییق. قهرمان تورکیه سیلاحلی قووه‌لریمیز عراقین قوزئیینده خاکورک و گارا بؤلگه‌لرینده ۸ پ‌کاکا تئرورچوسونو ضررسیزلشدیریب. قطعیتله حیاتا گئچیردیگیمیز عملیاتلاریمیز سون تئروریست ضررسیزلشدیریلنه قدر داوام ائده‌جک" یازیلیب.