اردوغان: بیر دیجیتال فاشیزمله قارشی قارشییاییق

جمهورباشقانی رجب طیب اردوغان، بیر دیجیتال فاشیزمله قارشی قارشییا اولوندوغونو سؤیله‌دی.

پایتاخت آنکارادا "عدالت و قالخینما پارتیسی"نین مرکزینده "اینسان حاقلاری تعلیم" پروگرامیندا دانیشان اردوغان، تورکیه‌ده سوسیال مئدیا پلتفورمو اینستاگرام‌ین بلوکه الونماسینا توخوندو.

اردوغان، سوسیال مئدیا پلتفورملارینین، آمریکا و آوروپاداکی قانونلارا اویغون گلمه نقطه‌سینده گؤستردیکلری دقتی، مسئله تورکیه اولونجا شعورلو شکیلده اسیرگه‌دیکلرینین وورغولادی.

مسئله تورکیه اولونجا آسلان کسیله‌ن نه قدر باتیلی قوروم و قورولوش وارسا ایسرائیل قارشیسیندا سود تؤکموش پیشییه دؤندوگونو (سسسیز قالدیغینی)، فیلیسطین مؤوضوعوندا آچیقجا قیرغین دستکچیلیگی ائتمه‌یه باشلادیغینی دیله گتیره‌ن اردوغان، سوسیال مئدیا شیرکتلرینین، منفعتلرینه توخونان هر خصوصدا مافیا کیمی داوراندیقلارینی ایضاح ائتدی.

اردوغان بئله دئدی:

"(سوسیال مئدیا شیرکتلری) ایسرائیلی تنقید ائد‌ن ساده بیر جمله‌یه بئله تئز زاماندا سانسور تطبیق ائتمه‌یی اؤزلری اوچون وظیفه حساب ائدیرلر. فیلیسطینلی شهیدلرین شکیللرینه بئله دؤزوم گؤستره‌بیلمه‌ییب آنیندا قاداغان ائد‌ن، بونو دا آزادلیق اولاراق ساتیشا چیخاران بیر دیجیتال فاشیزمله قارشی قارشییاییق.

"حکومت اولاراق بیزیم کیم‌سه‌نین آزادلیغی ایله، سؤز حریتی ایله، ایشی ایله، آشی ایله، تیجارتی ایله، حیات طرزی ایله هر هانسی بیر پروبلئمیمیز یوخ.

تورکیه‌نین حاقلی ایستکلری قارشیلانیب، حساسیت‌لرینه حؤرمت گؤستریلسه مسئله (اینستاگراما داخیل اولما) اونسوز دا اؤز اؤزونه حل یولونا گیره‌جک".