دانمارک خاریجی ایشلر ناظیری: تورکیه اوچون بؤیوک بیر دیپلوماتیک ظفر
دانمارک خاریجی ایشلر ناظیری لارس لوکه راسموسن، گئچهن هفته باشکند آنکارادا میتین ایداره ائتدیگی موبادیله عملیاتینی دگرلندیردی
دانمارک خاریجی ایشلر ناظیری لارس لوکه راسموسن، میللی استخبارات تشکیلاتینین (میت) ایداره ائتدیگی موبادیله عملیاتینین "تورکیه اوچون بؤیوک بیر دیپلوماتیک ظفر" اولدوغونو سؤیلهدی.
راسموسن، مطبوعاتا وئردیگی آچیقلامادا، گئچهن هفته باشکند آنکارادا میتین ایداره ائتدیگی موبادیله عملیاتینی دگرلندیردی.
"تورکیهنین بؤیوک بیر دیپلوماتیک ظفری" اولاراق تانیملادیغی عملیاتین، بلاروس و روسیادان چیخاریلان ۱۶ نفر اوچون ده یاخشی بیر گلیشمه اولدوغونو بیلدیرن راسموسن، تورکیهنین دیپلوماتیک موفقیتینی تبریک ائتدی.
راسموسن، آیریجا موبادیله عملیاتیندا روسیایا گؤندریلهنلرین ساییسینین بو اؤلکهدن گلنلردن آز اولماسینا دایر ممنونیتینی دیله گتیردی.
میت، آمریکا بیرلشمیش دؤولتلری، آلمانیا، لهستان، اسلوونی، نروژ، روسیا و بلاروس حبس خانالاریندا اولان ۲۶ نفرین قارشیلیقلی دییشمهسینی احتیوا ائدن سون دؤورون ان گئنیش موبادیله عملیاتینا ایمضا آتمیشدی.
عملیاتدا دییشدیریلهنلر آراسیندا د وال ایستریت ژوورنال خبرچیسی ایوان گرشکوویچ، آمریکالی اسکی دنیزچی پل ولان، آلمانیا وطنداشی پوللو عسگر ریکو کریگر، روس مخالیف ایلیا یاشین و روسیا فدرال تهلوکهسیزلیک خیدمتی ظابطی وادیم کراسیکوو یئر آلیردی.
